കൊച്ചി: ലോക്ക്ഡൗണിനെ തുടർന്നു വിവിധ സംസ്ഥാനങ്ങളിൽ കുടുങ്ങിയ ഫ്രഞ്ച് പൗരന്മാർ നാട്ടിലേക്ക് മടങ്ങി. നെടുന്പാശേരിയിൽനിന്നും പ്രത്യേക വിമാനത്തിലാണ് 112 ഫ്രഞ്ച് പൗരന്മാർ പാരീസിലേക്ക് മടങ്ങിയത്.
കേരളത്തിലും തമിഴ്നാട്ടിലുമായി വിവിധ ഇടങ്ങളിൽ കുടുങ്ങിയവരെ ഫ്രഞ്ച് എംബസിയുടെ നിർദേശപ്രകാരമാണ് നാട്ടിലേക്ക് അയച്ചത്. എയർ ഇന്ത്യ വിമാനത്തിൽ ഇന്ന് രാവിലെ എട്ടിനാണ് ഇവർ നാട്ടിലേയ്ക്ക് മടങ്ങിയത്. ആയുർവേദ ചികിത്സയ്ക്കും വിനോദസഞ്ചാരത്തിനുമായാണ് ഇവർ ഇന്ത്യയിലെത്തിയത്.
അതേസമയം കേരളത്തിലുള്ള 220 റഷ്യക്കാരെ തിരിച്ചുകൊണ്ടുപോകാനുള്ള നടപടി മാറ്റിവച്ചു. റഷ്യയിലെ വിമാനത്താവളങ്ങൾ അടച്ചതിനെ തുടർന്നാണ് തീരുമാനം. ഇന്നു രാവിലെ തിരുവനന്തപുരത്തു നിന്ന് ഇവരെ കൊണ്ടുപോകാനായിരുന്നു നീക്കം.
ലോക്ക്ഡൗണിൽ ഇന്ത്യയിൽ കുടുങ്ങിയ ഫ്രഞ്ച് പൗരന്മാർ മടങ്ങി
10:47 AM Apr 04, 2020 | Deepika.com