തിരുവനന്തപുരം: പ്രധാനമന്ത്രി നരേന്ദ്ര മോദിയുടെ ആഹ്വാനം രാജ്യത്തെ ഒരുമയുടെ സന്ദേശമാണെന്ന് കൃഷിമന്ത്രി വി.എസ്.സുനിൽകുമാർ. മാധ്യമപ്രവർത്തകരുടെ ചോദ്യങ്ങളോട് പ്രതികരിക്കുകയായിരുന്നു അദ്ദേഹം.
കൊറോണ പ്രതിരോധത്തിൽ പ്രധാനമന്ത്രിയുടെ എല്ലാ നിർദേശങ്ങളും കേരളം സ്വാഗതം ചെയ്തിട്ടുണ്ട്. വെളിച്ചം തെളിയിക്കാനുള്ള പ്രധാനമന്ത്രിയുടെ ആഹ്വാനം പാലിക്കുമെന്നും വി.എസ്.സുനിൽകുമാർ പറഞ്ഞു.
കൊറോണ വൈറസ് പകർത്തിയ ഇരുട്ടിൽ നിന്നും രാജ്യത്തെ വെളിച്ചത്തിലേക്ക് നയിക്കാൻ എല്ലാവരും ഞായറാഴ്ച രാത്രി ഒൻപതിന് വീടുകളിൽ ടോർച്ച്, മൊബൈൽ ലൈറ്റ്, മെഴുകുതിരി എന്നിവയിൽ ഏതെങ്കിലും തെളിയിക്കണമെന്നും ആ വെളിച്ചം ഐക്യത്തിന്റെ വെളിച്ചമാണെന്നും പ്രധാനമന്ത്രി രാജ്യത്തിന് നൽകിയ സന്ദേശത്തിൽ വ്യക്തമാക്കിയിരുന്നു.
പ്രധാനമന്ത്രിയുടെ ആഹ്വാനം രാജ്യത്തെ ഒരുമയുടെ സന്ദേശമെന്ന് മന്ത്രി സുനിൽകുമാർ
04:48 PM Apr 03, 2020 | Deepika.com