വാഷിംഗ്ടൺ ഡിസി: യുഎസ് പ്രസിഡന്റ് ഡോണൾഡ് ട്രംപിന് കൊറോണ വൈറസ് ബാധയില്ല. ട്രംപിന്റെ രണ്ടാമത്തെ സ്രവ പരിശോധനാഫലവും നെഗറ്റീവാണെന്ന് വൈറ്റ് ഹൗസ് ഡോക്ടർ സീൻ കോൺലി അറിയിച്ചു. പ്രസിഡന്റ് ആരോഗ്യവാനാണ്, രോഗലക്ഷണങ്ങളൊന്നും ഇല്ലെന്നും കോൺലി പറഞ്ഞു.
രോഗംപടര്ന്നുപിടിക്കുന്നതിനിടെ അമേരിക്ക പ്രതിരോധ നടപടികള് ശക്തമാക്കിയിട്ടുണ്ട്. രാജ്യത്തെ നഴ്സിംഗ് ഹോമുകൾക്ക് പ്രസിഡന്റ് ഡോണള്ഡ് ട്രംപ് പുതിയ മാര്ഗനിര്ദേശങ്ങള് കൊണ്ടുവന്നു. രാജ്യത്തെ 140 നഴ്സിംഗ് ഹോമുകളുടെ പരിധിയിലും രോഗം സ്ഥിരീകരിച്ച സാഹചര്യത്തിലാണ് മാർഗനിർദേശങ്ങൾ. ന്യൂയോര്ക്ക് ഉള്പ്പെടെ രോഗംപടരുന്ന മേഖലകളില് ഒരാള്പോലും മാസ്ക് ധരിക്കാതെ പുറത്തിറങ്ങരുതെന്ന് കര്ശന നിര്ദേശവും ട്രംപ് നല്കിയിട്ടുണ്ട്.
യുഎസിൽ 242,182 പേരിൽ വൈറസ് ബാധ സ്ഥിരീകരിച്ചിട്ടുണ്ട്. ഇതുവരെ 5,911 പേർക്ക് ജീവൻ നഷ്ടമായി. 9,001 പേർ സുഖം പ്രാപിച്ചു.
ട്രംപിന് കോവിഡ് വൈറസ് ബാധയില്ല; രണ്ടാമത്തെ പരിശോധനാ ഫലവും നെഗറ്റീവ്
07:24 AM Apr 03, 2020 | Deepika.com