ന്യൂഡൽഹി: അതിർത്തി തുറന്നുനൽകാനുള്ള കേരള ഹൈക്കോടതി ഉത്തരവിനെതിരെ കർണാടക സുപ്രീം കോടതിയിൽ അപ്പീൽ നൽകി. ഗതാഗതം അനുവദിച്ചാൽ കോവിഡ് പടരുമെന്നാണ് കർണാടക ഹർജിയിൽ വാദിക്കുന്നത്. കേസ് വെള്ളിയാഴ്ച പരിഗണിക്കും.
കാസർകോട്ടുനിന്ന് കർണാടകത്തിലേക്കുള്ള ദേശീയപാതയിലെ ഗതാഗതം തടഞ്ഞത് അടിയന്തരമായി നീക്കണമെന്ന് ഹൈക്കോടതി ചൊവ്വാഴ്ച ഇടക്കാല ഉത്തരവിലൂടെ ആവശ്യപ്പെട്ടിരുന്നു. ദേശീയപാത അടയ്ക്കാൻ കർണാടകത്തിന് അധികാരമില്ലെന്നും കോടതി വ്യക്തമാക്കി.
ഇതിനിടെ, അതിർത്തി തുറക്കില്ലെന്ന് കർണാടക ബിജെപി അധ്യക്ഷൻ നളിൻകുമാർ കട്ടീൽ ട്വീറ്റ് ചെയ്തു. സേവ് കർണാടക ഫ്രം പിണറായി എന്ന ഹാഷ്ടാഗിലായിരുന്നു കട്ടീലിന്റെ ട്വീറ്റ്.
അതിർത്തി തുറക്കാനുള്ള ഉത്തരവിനെതിരെ കർണാടക സുപ്രീം കോടതിയിൽ
09:16 PM Apr 02, 2020 | Deepika.com