തിരുവനന്തപുരം: സംസ്ഥാനത്ത് തിങ്കളാഴ്ച 32 പേർക്ക് കോവിഡ്-19 വൈറസ് സ്ഥിരീകരിച്ചു. കാസർഗോഡ് ജില്ലയിൽ 17 പേർക്കും കണ്ണൂരിൽ 11 പേർക്കും വയനാട്, ഇടുക്കി ജില്ലകളിൽ രണ്ടു പേർക്കുവീതവുമാണ് രോഗം സ്ഥിരീകരിച്ചത്.
ഇതോടെ സംസ്ഥാനത്ത് രോഗം ബാധിച്ചവരുടെ എണ്ണം 213 ആയി. ഇന്ന് രോഗം സ്ഥിരീകരിച്ചവരിൽ 17 പേർ വിദേശത്തുനിന്ന് എത്തിയവരാണ്. 15 പേർക്ക് സന്പർക്കം മൂലമാണ് രോഗം ബാധിച്ചതെന്നും മുഖ്യമന്ത്രി പിണറായി വിജയൻ വാർത്താസമ്മേളനത്തിൽ അറിയിച്ചു.
സംസ്ഥാനത്ത് 1,57,253 പേർ നിരീക്ഷണത്തിലാണ്. ഇതിൽ 1,56,660 പേർ വീടുകളിലും 623 പേർ ആശുപത്രികളിലും നിരീക്ഷണത്തിലാണ്. തിങ്കളാഴ്ച 126 പേരെയാണ് ആശുപത്രിയിൽ പ്രവേശിപ്പിച്ചത്. 6,991 സാന്പിളുകൾ പരിശോധനയ്ക്ക് അയച്ചു. 6,931 എണ്ണം രോഗബാധയില്ലെന്ന് ഉറപ്പാക്കി.
സംസ്ഥാനത്ത് ഇന്ന് 32 പേർക്ക് കോവിഡ് സ്ഥിരീകരിച്ചു
07:01 PM Mar 30, 2020 | Deepika.com