ന്യൂഡൽഹി: യുപിഎസ്സി എല്ലാ നിയമന നടപടികളും നിർത്തിവച്ചു. കോവിഡ് വ്യാപനത്തിന്റെ പശ്ചാത്തലത്തിലാണു നടപടി. വിജ്ഞാപനം, പരീക്ഷാ നടത്തിപ്പ്, അഭിമുഖം, വൈദ്യപരിശോധന എന്നിവയടക്കമുള്ള നടപടികളാണ് നിർത്തിവച്ചിരിക്കുന്നത്.
മാർച്ച് 28-ന് പുറത്തിറങ്ങിയ വിജ്ഞാപനമുൾപ്പെടെ നേരിട്ടുള്ള എല്ലാ നിയമന നടപടികളും മാറ്റിവച്ചതായി യുപിഎസ്സി ഒൗദ്യോഗിക വെബ്സൈറ്റിൽ അറിയിച്ചു.
കഴിഞ്ഞ തവണ വിജ്ഞാപനത്തിൽ പുറത്തിറക്കിയ അഞ്ച് തസ്തികകളിലേക്ക് അപേക്ഷിക്കാനുള്ള ലിങ്കും വെബ്സൈറ്റിൽനിന്ന് എടുത്തുമാറ്റി. പുതുക്കിയ തീയതികൾ ഉടൻ അറിയിക്കുമെന്നും യുപിഎസ്സി വ്യക്തമാക്കി.
കോവിഡ് വ്യാപനം: യുപിഎസ്സി എല്ലാ നിയമന നടപടികളും നിർത്തിവച്ചു
06:00 PM Mar 30, 2020 | Deepika.com