ന്യൂഡൽഹി: ലോക്ക്ഡൗണിന്റെ പശ്ചാത്തലത്തിൽ കുടിയേറ്റ തൊഴിലാളികൾ നടത്തുന്ന പലായനവുമായി ബന്ധപ്പെട്ട് സുപ്രീംകോടതി റിപ്പോർട്ട് തേടി. കേന്ദ്രസർക്കാരിനോടാണ് സുപ്രീംകോടതി തൽസ്ഥിതി റിപ്പോർട്ട് തേടിയത്.
ചൊവ്വാഴ്ച തന്നെ റിപ്പോർട്ട് സമർപ്പിക്കണമെന്നും കോടതി നിർദേശിച്ചു. അതേസമയം വിഷയത്തിൽ കേന്ദ്രസർക്കാരിന് നിർദേശങ്ങളോ ഉത്തരവുകളോ നൽകാൻ കോടതി വിസമ്മതിച്ചു. പ്രശ്നത്തിൽ സർക്കാർ ഇടപെട്ടിട്ടുണ്ട്. കേന്ദ്രസർക്കാരിന് നിർദേശങ്ങൾ നൽകി കുടിയേറ്റ തൊഴിലാളികളുടെ പലായനം സംബന്ധിച്ച പ്രശ്നം കൂടുതൽ വഷളാക്കാനില്ലെന്നും സുപ്രീംകോടതി വ്യക്തമാക്കി.
ചീഫ് ജസ്റ്റീസ് എസ്.എ .ബോബ്ഡേ ജസ്റ്റീസ് എൽ.നാഗേശ്വര റാവു എന്നിവരടങ്ങിയ ബെഞ്ചാണ് ഹർജി പരിഗണിച്ചത്. ഹർജി കോടതി ചൊവ്വാഴ്ച വീണ്ടും പരിഗണിക്കും.
കുടിയേറ്റ തൊഴിലാളികളുടെ പലായനം; സുപ്രീംകോടതി റിപ്പോർട്ട് തേടി
04:33 PM Mar 30, 2020 | Deepika.com