ചെന്നൈ: തമിഴ്നാട്ടിൽ ക്വാറന്റൈനിൽ കഴിഞ്ഞിരുന്ന യുവാവ് പുറത്തിറങ്ങി വയോധികയെ അടിച്ചുകൊന്നു. സംഭവുമായി ബന്ധപ്പെട്ട് മണികണ്ഠൻ (35) എന്ന യുവാവിനെ പോലീസ് അറസ്റ്റ് ചെയ്തു. എൺപതുവയസുള്ള വയോധികയാണ് കൊല്ലപ്പെട്ടത്. ശ്രീലങ്കയിൽനിന്നും മടങ്ങിവന്ന മണികണ്ഠൻ വീട്ടിൽ ക്വാറന്റൈനിലായിരുന്നു.
മാനസികാസ്വാസ്ഥ്യം പ്രകടിപ്പിച്ച ഇയാൾ കഴിഞ്ഞ ദിവസം വസ്ത്രങ്ങളെല്ലാം ഉരിഞ്ഞുകളഞ്ഞതിനു ശേഷം പുറത്തിറങ്ങി ഓടി. വീട്ടിൽനിന്നും നൂറുമീറ്ററോളം അകലേക്ക് ഓടി. ഇതിനിടെ വീടിനു വെളിയിൽ ഇരുന്ന ഒരു വയോധികയുടെ കഴുത്തിനു പിന്നിൽ അടിച്ചു. പരിക്കേറ്റ ഇവർ ചികിത്സയിലായിരുന്നു. ശനിയാഴ്ച മരണപ്പെട്ടു.
ക്വാറന്റൈനിൽനിന്ന് നഗ്നനായി പുറത്തിറങ്ങി ഓടി; വയോധികയെ അടിച്ചുകൊന്നു
07:14 AM Mar 29, 2020 | Deepika.com