സില്ച്ചര്: ആസാമില് ജവാനെ ആള്ക്കൂട്ടം തല്ലിക്കൊന്നു. ആസാം ഇന്ഡസ്ട്രിയല് സെക്യൂരിറ്റി ഫോഴ്സ് (എഐഎസ്എഫ്) ജവാന് ബക്താറുദ്ദീന് ബാര്ഭുരി യ(50) ആണു കൊല്ലപ്പെട്ടത്. കാചാര് ജില്ലയിലെ ദക്ഷിണ് കൃഷ്ണാപുര് സ്വദേശിയാണ് ഇദ്ദേഹം.
ഇന്നലെ രാവിലെ ജോലിക്കു പോകവെ ഇദ്ദേഹത്തിന്റെ ബൈക്ക് ഒരു യുവാവിനെ ഇടിച്ചു. എന്നാല് പരിക്കുണ്ടായിരുന്നില്ല. രോഷാകുലരായ പ്രദേശവാ സികള് ജവാനെ തല്ലിക്കൊല്ലുകയായിരുന്നു. ഇദ്ദേഹത്തെ ആശുപത്രിയില് പ്രവേശിപ്പിച്ചെങ്കിലും മരണം സംഭവിച്ചു.
തുടര്ന്ന് കാചാല് എസ്പി മാനബേന്ദ്ര ദേബ് റോയിയുടെ നേതൃത്വത്തില് വന് പോലീസ് സംഘം സ്ഥലത്തെത്തി. മൂന്നു പേരെ പോലീസ് അറസ്റ്റ് ചെയ്തു. പോലീസ് ലാത്തിച്ചാര്ജ് നടത്തിയതിനെത്തുടര്ന്ന് ഓടിയ യുവാവിനെ ബാരക് നദിയില് വീണു കാണാതായി.
ആസാമില് ജവാനെ ആള്ക്കൂട്ടം തല്ലിക്കൊന്നു
03:48 AM Mar 29, 2020 | Deepika.com