കൊല്ലം: കുളത്തൂപ്പുഴയില് വെടിയുണ്ടകള് ഉപേക്ഷിക്കപ്പെട്ട നിലയില് കണ്ടെത്തിയ സംഭവത്തിൽ കൂടുതൽ പരിശോധനകൾ നടത്തുന്നു. കുളത്തുപ്പുഴയിലും പരിസരപ്രദേശങ്ങളിലെ വനമേഖലയിലും ബോംബ് സ്ക്വാഡിന്റെ നേതൃത്വത്തിലാണ് പരിശോധനകൾ നടക്കുന്നത്. സർവീസ് റിവോൾവറുകളിൽ ഉപയോഗിക്കുന്ന തിരകളല്ല കണ്ടെത്തിയതെന്നാണ് പോലീസിന്റെ പ്രാഥമിക നിഗമനം.
തിരുവനന്തപുരം- ചെങ്കോട്ട അന്തര്സംസ്ഥാന പാതയില് മുപ്പതടിപാലത്തിന് സമീപത്തു നിന്നുമാണ് 14 വെടിയുണ്ടകള് കഴിഞ്ഞദിവസം കണ്ടെത്തിയത്. കണ്ടെടുത്ത വെടിയുണ്ടകള് പാക്കിസ്ഥാൻ നിര്മിതമാണെന്ന സൂചനയും പുറത്തുവരുന്നുണ്ട്. വെടിയുണ്ടകളില് പാക്കിസ്ഥാനില് പ്രവര്ത്തിക്കുന്ന കമ്പനിയോടു സാമ്യമായ മുദ്ര അധികൃതര് കണ്ടെത്തിയിട്ടുണ്ട്.
കുളത്തുപ്പുഴയിൽ വെടിയുണ്ടകള് കണ്ടെത്തിയ സംഭവം; പരിശോധന തുടരുന്നു
08:05 AM Feb 23, 2020 | Deepika.com