ജനീവ: ആഗോളതലത്തിൽ പടർന്നുപിടിക്കുന്ന കൊറോണ വൈറസിനെ നിയന്ത്രിക്കാനുള്ള അവസരങ്ങൾ ചുരുങ്ങിവരുന്നെന്ന് ലോകാരോഗ്യ സംഘടന. അവസരങ്ങളുടെ വാതിൽ പൂർണമായി അടയുന്നതിനുമുമ്പ് ലോകരാജ്യങ്ങൾ നടപടിയെടുക്കണമെന്നും സംഘടന മുന്നറിയിപ്പു നൽകി.
ചൈനയ്ക്കുപുറത്ത് വൈറസ് ബാധിച്ചവരുടെ എണ്ണം താരതമ്യേന കുറവാണെങ്കിലും ചൈനയിലേക്ക് യാത്ര ചെയ്തിട്ടില്ലാത്തവരിലും വൈറസ് ബാധിച്ചവരുമായി നേരിട്ടിടപഴകാത്തവരിലും രോഗം സ്ഥിരീകരിച്ചത് ആശങ്കയുണർത്തുന്നുണ്ടെന്നും ഡബ്ല്യൂഎച്ച്ഒ അറിയിച്ചു.
വൈറസ് ബാധ ഏതുതലത്തിലേക്കും പോയേക്കാം. സ്ഥിതി അതീവഗുരുതരമാകാൻ സാധ്യതയുണ്ട് ലോകാരോഗ്യ സംഘടന മുന്നറിയിപ്പ് നൽകി.
കൊറോണയെ നിയന്ത്രിക്കാനുള്ള അവസരങ്ങൾ ചുരുങ്ങിവരുന്നെന്ന് ലോകാരോഗ്യ സംഘടന
05:12 AM Feb 23, 2020 | Deepika.com