കൊച്ചി: സംസ്ഥാനത്ത് ഇന്ധനവില കഴിഞ്ഞ രണ്ടു ദിവസമായി മാറ്റമില്ലാതെ തുടരുന്നു. കൊച്ചിയില് പെട്രോള് വില 73.96 രൂപയിലും ഡീസല് വില 68.36 രൂപയിലും തുടരുകയാണ്. തിരുവനന്തപുരത്ത് പെട്രോള് വില 75.36 രൂപയും ഡീസല് വില 69.68 രൂപയുമാണ്.
കഴിഞ്ഞ ആറുമാസത്തെ കണക്കെടുത്താല് ഏറ്റവും കുറഞ്ഞ നിരക്കിലാണ് ഇപ്പോള് എത്തിയിരിക്കുന്നത്. കഴിഞ്ഞ സെപ്റ്റംബര് ഒന്നിന് പെട്രോളിന് 75.14 രൂപയും ഡീസലിന് 70.08 രൂപയുമായി കുറഞ്ഞ ശേഷം വില ഇത്രയും താഴുന്നത് ആദ്യമായാണ്.
ഇറാൻ-യുഎസ് സംഘര്ഷത്തിന്റെ പശ്ചാത്തലത്തില് ജനുവരി ആദ്യവാരം പെട്രോള് വില 78.59 രൂപ വരെയെത്തിയിരുന്നു. അന്ന് അന്താരാഷ്ട്ര വിപണിയില് അസംസ്കൃത എണ്ണക്ക് ബാരലിന് 70 ഡോളര് കടന്നിരുന്നു.
കൊറോണ വൈറസ് ബാധ ആഗോളതലത്തില് ഭീതി സൃഷ്ടിച്ചിരിക്കുന്ന സാഹചര്യത്തില് അന്താരാഷ്ട്ര വിപണിയില് അസംസ്കൃത എണ്ണയുടെ വിലയില് ഇടിവ് വന്നതിനെ തുടര്ന്നാണ് നിലവിൽ ഇന്ധന വില താഴാന് കാരണമായിരിക്കുന്നത്.
ഇന്ധന വിലയിൽ മാറ്റമില്ല
12:13 PM Feb 20, 2020 | Deepika.com