ജിദ്ദ: കൊറോണ വൈറസ് സംശയത്തെ തുടർന്ന് സൗദി അറേബ്യയിൽ ഐസൊലേഷൻ വാർഡിലേക്ക് മാറ്റിയ യുവാവ് ജീവനൊടുക്കി. ചൈനീസ് പൗരനാണ് മരിച്ചതെന്നാണ് റിപ്പോർട്ടുകൾ. ജിദ്ദയിലെ കിംഗ് ഫഹദ് ആശുപത്രി കെട്ടിടത്തിന്റെ മൂന്നാം നിലയില് നിന്നാണ് യുവാവ് താഴേക്കു ചാടിയത്.
വെള്ളിയാഴ്ച രാവിലെയാണ് യുവാവിനെ ആശുപത്രിയിൽ പ്രവേശിപ്പിച്ചത്. കൊറോണ ബാധയാണെന്ന സംശയത്തെ തുടർന്ന് ഐസൊലേഷൻ വാർഡിലേക്ക് മാറ്റി. ഇതിനിടെയാണ് ഇയാള് ഓടി രക്ഷപ്പെട്ട് താഴേക്ക് ചാടിയത്. അതേസമയം, പരിശോധനാ ഫലത്തിൽ ഇയാൾക്ക് കൊറോണ ഇല്ലെന്ന് സ്ഥിരീകരിക്കുകയും ചെയ്തു.
കൊറോണ: ഐസൊലേഷൻ വാർഡിലേക്ക് മാറ്റിയ യുവാവ് ആശുപത്രിയിൽനിന്ന് ചാടി മരിച്ചു
02:46 PM Feb 16, 2020 | Deepika.com