പൂന: ഡൽഹി മുഖ്യമന്ത്രി അരവിന്ദ് കേജരിവാളിനെ ഭീകരനെന്നു വിളിച്ചിട്ടില്ലെന്നു കേന്ദ്രമന്ത്രി പ്രകാശ് ജാവദേക്കർ. പൂനയിൽ ഒരു ചടങ്ങിൽ സംസാരിക്കവെയായിരുന്നു കേന്ദ്ര വനം-പരിസ്ഥിതി മന്ത്രിയുടെ പ്രതികരണം.
താൻ ഒരിക്കലും കേജരിവാളിനെ ഭീകരൻ എന്നു വിളിച്ചിട്ടില്ല. ഡൽഹി നിയമസഭാ തെരഞ്ഞെടുപ്പിൽ കോണ്ഗ്രസ് പരാജയപ്പെട്ടു എന്നതാണ് പ്രധാന കാര്യമെന്നാണ് പൂനയിൽ മന്ത്രി പറഞ്ഞത്. പത്തു ദിവസം മുന്പ് ജാവദേക്കർ നടത്തിയ പരാമർശത്തിനു നേർ വിപരീതമാണ് ജാവദേക്കറിന്റെ പരാമർശം.
നിഷ്കളങ്ക മുഖവുമായി കേജരിവാൾ താൻ ഭീകരനാണോ എന്നു ജനങ്ങളോടു ചോദിക്കുന്നു. അതേ നിങ്ങൾ ഭീകരനാണ്. ധാരാളം തെളിവുകളുണ്ട്. താൻ ഒരു അരാജവാദിയാണെന്നു നിങ്ങൾ തന്നെ പറഞ്ഞിട്ടുണ്ട്. അരാജകവാദിയും ഭീകരനും തമ്മിൽ വ്യത്യാസങ്ങളില്ല എന്നാണ് ജാവദേക്കർ ഡൽഹി തെരഞ്ഞെടുപ്പ് പ്രചാരണവുമായി ബന്ധപ്പെട്ട് പറഞ്ഞു.
"കേജരിവാളിനെ ഭീകരനെന്നു വിളിച്ചിട്ടില്ല'; മുൻപ്രസ്താവന തള്ളി ജാവദേക്കർ
10:44 AM Feb 15, 2020 | Deepika.com