ന്യൂഡൽഹി: സോണിയ ഗാന്ധി കോണ്ഗ്രസ് അധ്യക്ഷയായി തുടരണോ വേണ്ടയോ എന്ന കാര്യത്തിൽ പാർട്ടി ഉടൻ തീരുമാനമെടുക്കും. പാർട്ടിയുടെ പ്ലീനറി സെഷനിൽ ഇക്കാര്യം തീരുമാനിക്കുമെന്നാണു റിപ്പോർട്ട്. ഏപ്രിൽ രണ്ടാം ആഴ്ചയിൽ പ്ലനറി ചേരുമെന്നാണു സൂചന.
രാഹുൽ ഗാന്ധി വീണ്ടും കോണ്ഗ്രസ് അധ്യക്ഷ സ്ഥാനം ഏറ്റെടുക്കുമോ എന്ന കാര്യം അവ്യക്തമാണ്. പാർട്ടി നേതൃസ്ഥാനത്തേക്കു തിരിച്ചെത്തുന്നതു സംബന്ധിച്ച് രാഹുൽ തീരുമാനം കൈക്കൊണ്ടിട്ടില്ലെന്നാണ് അദ്ദേഹത്തോട് അടുത്തവൃത്തങ്ങൾ നൽകുന്ന സൂചന.
സോണിയ ഗാന്ധിയുടെ അനാരോഗ്യമാണ് പാർട്ടിക്കു പുതിയ നേതൃത്വത്തിന്റെ ആവശ്യകത സൃഷ്ടിക്കുന്നത്. ഡൽഹി തെരഞ്ഞെടുപ്പിലെ തകർച്ചകൂടിയായതോടെ ഇക്കാര്യത്തിൽ വ്യക്തത വേണമെന്നു പാർട്ടിയിൽതന്നെ ആവശ്യമുയർന്നുകഴിഞ്ഞു. മൂന്നു തവണ തുടർച്ചയായി ഭരിച്ച ഡൽഹിയിൽ കോണ്ഗ്രസ് ഇക്കുറി വട്ടപ്പൂജ്യമാണ്.
"സോണിയ നിൽക്കണോ പോകണോ’; ഏപ്രിലിലെ പ്ലീനറി സെഷന് തീരുമാനിക്കും
07:02 AM Feb 13, 2020 | Deepika.com