ബംഗളൂരു: പബില് യുവാവിനെ അതിക്രൂരമായി മര്ദിച്ച കേസില് അറസ്റ്റിലായി ജാമ്യത്തിലിറങ്ങിയ കര്ണാടക എംഎല്എയുടെ മകന് വീണ്ടും വിവാദത്തില്. ഇയാള് ഓടിച്ച ആഡംബര കാര് വാഹനങ്ങളില് ഇടിച്ച് നാലു പേര്ക്ക് പരിക്കേറ്റതായാണ് ആരോപണം. കര്ണാടകയിലെ കോണ്ഗ്രസ് എംഎല്എ എന്.എ. ഹാരിസിന്റെ മകന് മുഹമ്മദ് നാലപ്പാടാണ് പുതിയ വിവാദത്തില്പെട്ടത്.
മുഹമ്മദ് നാലപ്പാട് ഓടിച്ച ആഡംബര കാര് ബൈക്കിനെയും ഒട്ടോറിക്ഷയെയും ഇടിച്ചുതെറിപ്പിച്ചെന്നാണ് ആരോപണം. കഴിഞ്ഞ ഞായറാഴ്ചയായിരുന്നു സംഭവം. അതിവേഗത്തിലെത്തിയ മുഹമ്മദ് നാലപ്പാടിന്റെ കാര് ബൈക്കിനെയും ഓട്ടോറിക്ഷയെയും ഇടിച്ചുതെറിപ്പിക്കുകയായിരുന്നു. അപകടത്തില് ഈ വാഹനങ്ങളിലെ യാത്രക്കാര്ക്ക് പരിക്കേറ്റു. അപകടത്തിന് പിന്നാലെ മുഹമ്മദ് നാലപ്പാട് കാര് ഉപേക്ഷിച്ച് സംഭവസ്ഥലത്ത് നിന്ന് കടന്നുകളഞ്ഞു. സുഹൃത്തിന്റെ വാഹത്തില് കയറിയാണ് ഇയാള് രക്ഷപെട്ടത്.
മുഹമ്മദ് നാലപ്പാടിനെ ചോദ്യംചെയ്യാനായി വിളിപ്പിച്ചിട്ടുണ്ടെന്ന് ട്രാഫിക് ജോയിന്റ് കമ്മീഷണര് ബി.ആര്. രവികാന്തെ ഗൗഡ അറിയിച്ചു. ചോദ്യംചെയ്യലിന് ഹാജരാകാന് നോട്ടീസ് പുറപ്പെടുവിച്ചതായും അദ്ദേഹം പറഞ്ഞു. അതേസമയം, എന്.എ.ഹാരിസ് എംഎല്എയോ മുഹമ്മദ് നാലപ്പാടോ ഇതുവരെ സംഭവത്തെക്കുറിച്ച് പ്രതികരിച്ചിട്ടില്ല.
റോഡില് കോണ്ഗ്രസ് എംഎല്എയുടെ മകന്റെ പരാക്രമം; ആഡംബര കാര് ഇടിച്ച് നാല് പേര്ക്ക് പരിക്ക്
03:23 PM Feb 12, 2020 | Deepika.com