തിരുവനന്തപുരം: പോലീസിന്റെ തോക്കുകളും വെടിയുണ്ടകളും കാണാനില്ലെന്ന് സിഎജി (കംപ്ട്രോളർ ആന്റ് ഓഡിറ്റർ ജനറൽ) റിപ്പോർട്ട്. 25 റൈഫിളുകൾ ഉൾപ്പടെയാണ് ആഭ്യന്തരവകുപ്പിൽ നിന്നും കാണാതായിരിക്കുന്നത്. നിയമസഭയിൽ വച്ച റിപ്പോർട്ടിലാണ് ഗുരുതര കണ്ടെത്തലുകളുള്ളത്.
പോലീസിന്റെ കൈവശമുള്ള വെടികോപ്പുകളിൽ വലിയ കുറവുണ്ടായിട്ടുണ്ട്. തിരുവനന്തപുരം എസ്എപിയിൽ 12,061 വെടിയുണ്ടകളുടെ കുറവുണ്ടെന്നാണ് സിഎജി കണ്ടെത്തിയത്. തൃശൂർ പോലീസ് അക്കാഡമിയിൽ നിന്നും 200 വെടിയുണ്ടകൾ നഷ്ടമായിട്ടുണ്ട്.
ഇവയ്ക്കെല്ലാം പകരം വ്യാജ വെടിയുണ്ടകൾ വച്ചിട്ടുണ്ടെന്നും എല്ലാ പോലീസ് സ്റ്റേഷനിലെയും ആയുധശേഖരം പരിശോധിക്കണമെന്നും സിഎജി റിപ്പോർട്ടിൽ വ്യക്തമാക്കിയിട്ടുണ്ട്.
പോലീസിന്റെ തോക്കുകളും വെടിയുണ്ടകളും കാണാനില്ലെന്ന് സിഎജി
01:52 PM Feb 12, 2020 | Deepika.com