തൊ​ണ്ട​വ​ര​ണ്ട് ചെ​ന്നൈ; 2.5 ദ​ശ​ല​ക്ഷം ലി​റ്റ​ർ കു​ടി​വെ​ള്ള​വു​മാ​യി തീ​വ​ണ്ടി​യെ​ത്തു​ന്നു

ചെ​ന്നൈ: ചെ​ന്നൈ​യു​ടെ ദാ​ഹം അ​ക​റ്റാ​ൻ കു​ടി​നീ​രു​മാ​യി വെ​ല്ലൂ​രി​ലെ ജോ​ളാ​ർ​പേ​ട്ടി​ൽ​നി​ന്നും 2.5 ദ​ശ​ല​ക്ഷം ലി​റ്റ​ർ വെ​ള്ളം എ​ത്തു​ന്നു. രാ​ജ്യ​ത്തെ ആ​ദ്യ​ത്തെ 50 വാ​ഗ​ൺ ട്രെ​യി​നി​ലാ​ണ് ജോ​ളാ​ർ​പേ​ട്ടി​ൽ​നി​ന്നും കു​ടി​വെ​ള്ളം എ​ത്തി​ക്കു​ന്ന​ത്. ര​ണ്ടാ​മ​ത്തെ ട്രെ​യി​നി​ൽ ഇ​തി​ലും കൂ​ടു​ത​ൽ വെ​ള്ളം എ​ത്തി​ക്കും.

ഒ​രു ദി​വ​സം 10 ദ​ശ​ല​ക്ഷം ലി​റ്റ​ർ കു​ടി​വെ​ള്ളം എ​ത്തി​ക്കാ​നാ​ണ് ചെ​ന്നൈ മെ​ട്രോ അ​ധി​കൃ​ത​ർ പ​രി​ശ്ര​മി​ക്കു​ന്ന​ത്. ട്രെ​യി​നി​ന്‍റെ ശേ​ഷി​ക്ക് അ​നു​സ​രി​ച്ച് കൊ​ണ്ടു​വ​രാ​വു​ന്ന വെ​ള്ള​ത്തി​ന്‍റെ അ​ള​വ് വ​ർ​ധി​പ്പി​ക്കു​മെ​ന്ന് റെ​യി​ൽ​വെ അ​റി​യി​ച്ചു. ആ​ദ്യ​ത്തെ ജ​ല ട്രെ​യി​നെ വി​ല്ലി​വാ​ക്കം റെ​യി​ൽ​വെ സ്റ്റേ​ഷ​നി​ൽ വ​ര​വേ​ൽ​ക്കും. മ​ന്ത്രി എ​സ്.​പി വേ​ലു​മ​ണി​യും അ​ധി​കൃ​ത​രും പ​രി​പാ​ടി​യി​ൽ പ​ങ്കെ​ടു​ക്കും.

ജ​ല ട്രെ​യി​നി​ന്‍റെ ഓ​രോ ട്രി​പ്പി​നും ചെ​ന്നൈ മെ​ട്രോ അ​ധി​കൃ​ത​രി​ൽ​നി​ന്നും 7.5 ല​ക്ഷം രൂ​പ​യാ​ണ് ഈ​ടാ​ക്കു​ന്ന​ത്. ജ​ലം ട്രെ​യി​ൻ​മാ​ർ​ഗം എ​ത്തി​ക്കു​ന്ന​തി​നു​ള്ള പ​ദ്ധ​തി​ക്ക് ത​മി​ഴ്നാ​ട് സ​ർ​ക്കാ​ർ 65 കോ​ടി രൂ​പ​യാ​ണ് അ​നു​വ​ദി​ച്ചി​രി​ക്കു​ന്ന​ത്. ജോ​ളാ​ർ​പേ​ട്ടി​ൽ​നി​ന്നും രാ​വി​ലെ പു​റ​പ്പെ​ടു​ന്ന ട്രെ​യി​ൻ അ​ഞ്ച് മ​ണി​ക്കൂ​ർ യാ​ത്ര​യ്ക്കു ശേ​ഷം വി​ല്ലി​വാ​ക്ക​ത്ത് എ​ത്തും.

ട്രെ​യി​നി​ൽ വെ​ള്ളം എ​ത്തി​ച്ചാ​ലും ചെ​ന്നൈ​യി​ലെ ജ​ല​വി​ത​ര​ണ​ത്തി​ന്‍റെ അ​ള​വ് വ​ർ​ധി​പ്പി​ക്കാ​ൻ സാ​ധി​ക്കി​ല്ല. ചെ​ന്നൈ നി​വാ​സി​ക​ൾ​ക്ക് കു​റ​ഞ്ഞ​ത് 525 ദ​ശ​ല​ക്ഷം കു​ടി​വെ​ള്ളം വി​ത​ര​ണം ചെ​യ്യാ​ൻ പ്ര​തി​ദി​നം 830 ദ​ശ​ല​ക്ഷം ലി​റ്റ​ർ ഉ​റ​പ്പാ​ക്ക​ണം. ഈ ​സ​മ്മ​ർ​ദ​ത്തെ ല​ഘൂ​ക​രി​ക്കാ​ൻ മാ​ത്ര​മാ​ണ് ട്രെ​യി​ൻ വെ​ള്ളം സ​ഹാ​യി​ക്കു​ക.

ജോ​ളാ​ർ​പേ​ട്ടി​ലെ റെ​യി​ൽ​വെ സ്റ്റേ​ഷ​നി​ലേ​ക്ക് പ​മ്പിം​ഗ് ഹൗ​സി​ൽ​നി​ന്ന് 3.5 കി​ലോ​മീ​റ്റ​ർ ദൂ​ര​ത്തി​ലാ​ണ് പൈ​പ്പ് ഇ​ട്ടി​രി​ക്കു​ന്ന​ത്. വാ​ഗ​ണു​ക​ളി​ൽ വെ​ള്ളം നി​റ​യ്ക്കു​ന്ന​തി​ന്‍റെ ട്ര​യ​ൽ റ​ൺ ബു​ധ​നാ​ഴ്ച ന​ട​ന്നു. അ​ടു​ത്ത കാ​ല​ത്തു​ണ്ടാ​യ ഏ​റ്റ​വും രൂ​ക്ഷ​മാ​യ വ​ര​ൾ​ച്ച​യി​ലൂ​ടെ​യാ​ണ് ചെ​ന്നൈ ക​ട​ന്നു​പോ​കു​ന്ന​ത്. പൊ​തു​നി​ര​ത്തു​ക​ളി​ൽ 900 ടാ​ങ്ക​റു​ക​ളാ​ണ് ചെ​ന്നൈ മെ​ട്രോ അ​ധി​കൃ​ത​ർ സ്ഥാ​പി​ച്ചി​രി​ക്കു​ന്ന​ത്. ഈ ​ടാ​ങ്കു​ക​ളി​ൽ​നി​ന്ന് അ​ഞ്ച് കു​ടം വെ​ള്ളം മാ​ത്ര​മാ​ണ് ഓ​രോ കു​ടും​ബ​ത്തി​നും ല​ഭി​ക്കു​ന്ന​തെ​ന്ന് ആ​ളു​ക​ൾ പ​രാ​തി പ​റ​യു​ന്നു. സ്വ​കാ​ര്യ ജ​ല വി​ത​ര​ണ​ക്കാ​ർ വെ​ള്ള​ത്തി​നു തീ​പി​ടി​ച്ച വി​ല​യാ​ണ് ഈ​ടാ​ക്കു​ന്ന​ത്.

ചെ​ന്നൈ​യി​ലെ നി​ല​വി​ലെ സ്ഥി​തി ഭ​യാ​ന​ക​മാ​ണെ​ന്ന് നാ​ട്ടു​കാ​ർ പ​റ​യു​ന്നു. ഒ​ട്ടേ​റെ ഹോ​ട്ട​ലു​ക​ൾ പ്ര​വ​ർ​ത്ത​നം നി​ർ​ത്തി. ചി​ല​തി​ൽ ഉ​ച്ച​ഭ​ക്ഷ​ണം ഒ​ഴി​വാ​ക്കി. പ​ല ഐ​ടി സ്ഥാ​പ​ന​ങ്ങ​ളും ജീ​വ​ന​ക്കാ​രോ​ട് വീ​ട്ടി​ലി​രു​ന്ന് ജോ​ലി​ചെ​യ്യാ​ൻ നി​ർ​ദേ​ശി​ച്ചു. സ്കൂ​ളു​ക​ളു​ടെ പ്ര​വൃ​ത്തി​സ​മ​യം വെ​ട്ടി​ക്കു​റ​ച്ചു. ചി​ല സ്കൂ​ളു​ക​ളി​ൽ പ്ര​വൃ​ത്തി​ദി​നം മൂ​ന്നു ദി​വ​സ​മാ​ക്കി. കെ​ട്ടി​ട​നി​ർ​മാ​ണ മേ​ഖ​ല സ്തം​ഭി​ച്ചു.

ത​ടാ​ക​ങ്ങ​ളും കി​ണ​റു​ക​ളും വ​റ്റി​വ​ര​ണ്ടു. എ​ണ്ണൂ​റ​ടി കു​ഴി​ച്ചാ​ലും കു​ഴ​ൽ​ക്കി​ണ​റു​ക​ളി​ൽ വെ​ള്ളം കി​ട്ടു​ന്നി​ല്ല. ടാ​ങ്ക​ർ ലോ​റി​ക​ളി​ൽ എ​ത്തി​ക്കു​ന്ന വെ​ള്ള​ത്തി​ന് ദി​വ​സ​ങ്ങ​ൾ കാ​ത്തി​രി​ക്ക​ണം. ടാ​ങ്ക​റു​ക​ളി​ൽ നി​റ​യ്ക്കാ​നും വെ​ള്ളം കി​ട്ടാ​ത്ത അ​വ​സ്ഥ​യാ​ണ്. ചെ​ന്നൈ ഉ​ൾ​പ്പെ​ടെ 24 ജി​ല്ല​ക​ളാ​ണ് ജ​ല​ക്ഷാ​മം നേ​രി​ടു​ന്ന​ത്.