വ​യ​നാ​ട്ടി​ൽ ലോ​റി ഇ​ടി​ച്ചു പ​രി​ക്കേ​റ്റ കാ​ട്ടാ​ന ച​രി​ഞ്ഞു; അ​ടു​പ്പി​ക്കാ​തെ കാ​ട്ടാ​ന​ക്കൂ​ട്ടം

മു​ത്ത​ങ്ങ: വ​യ​നാ​ട്ടി​ൽ ച​ര​ക്കു ലോ​റി ഇ​ടി​ച്ചു ഗു​രു​ത​ര​മാ​യി പ​രി​ക്കേ​റ്റ കാ​ട്ടാ​ന ച​രി​ഞ്ഞു. മു​ത്ത​ങ്ങ​യി​ലെ ഉ​ൾ​വ​ന​ത്തി​ൽ വ്യാ​ഴാ​ഴ്ച വൈ​കി​ട്ടോ​ടെ​യാ​ണ് ആ​ന ച​രി​ഞ്ഞ​ത്.

ദേ​ശീ​യ​പാ​ത 766ലെ ​പൊ​ൻ​കു​ഴി​ക്കു സ​മീ​പം ചൊ​വ്വാ​ഴ്ച രാ​ത്രി എ​ട്ടോ​ടെ ച​ര​ക്കു ലോ​റി​യി​ടി​ച്ചാ​ണു കാ​ട്ടാ​ന​യ്ക്കു പ​രി​ക്കേ​ത്. 25 വ​യ​സ് തോ​ന്നി​ക്കു​ന്ന പി​ടി​യാ​ന​യു​ടെ വ​ല​തു​മു​ൻ​കാ​ലി​നാ​ണു പ​രി​ക്കേ​റ്റ​ത്. ആ​ന​യു​ടെ വ​ല​തു തോ​ളെ​ല്ലി​നും വാ​രി​യെ​ല്ലി​നും പൊ​ട്ട​ലു​ണ്ടാ​യി​രു​ന്നു.

ഇ​തേ​തു​ട​ർ​ന്ന് ബു​ധ​നാ​ഴ്ച രാ​വി​ലെ ആ​ന​യെ ഫോ​റ​സ്റ്റ് വെ​റ്റ​റി​ന​റി ഓ​ഫീ​സ​ർ ഡോ.​അ​രു​ണ്‍ സ​ക്ക​റി​യ​യു​ടെ നേ​തൃ​ത്വ​ത്തി​ൽ മ​യ​ക്കു​വെ​ടി​വ​ച്ച ശേ​ഷം വ​നം-​വ​ന്യ​ജീ​വി വ​കു​പ്പ് ചി​കി​ത്സ ന​ൽ​കി​യി​രു​ന്നു. ഉ​ച്ച​യോ​ടെ മ​യ​ക്കം​വി​ട്ട ആ​ന വ​ന​ത്തി​ലേ​ക്കു നീ​ങ്ങി തീ​റ്റ​യെ​ടു​ത്തെ​ങ്കി​ലും വ്യാ​ഴാ​ഴ്ച വൈ​കി​ട്ടോ​ടെ ച​രി​യു​ക​യാ​യി​രു​ന്നു. കാ​ട്ടാ​ന​ക്കൂ​ട്ടം ചു​റ്റു​മു​ള്ള​തി​നാ​ൽ ആ​ന​യു​ടെ ജ​ഡ​ത്തി​ന​ടു​ത്തേ​ക്കു പോ​കാ​ൻ വ​ന​പാ​ല​ക​ർ​ക്ക് ക​ഴി​ഞ്ഞി​ട്ടി​ല്ല.

മൈ​സൂ​രു ഭാ​ഗ​ത്തു​നി​ന്നു വ​രി​ക​യാ​യി​രു​ന്ന ലോ​റി​യാ​ണ് ആ​ന​യെ ഇ​ടി​ച്ച​ത്. ഇ​തു​മാ​യി ബ​ന്ധ​പ്പെ​ട്ട കേ​സി​ൽ ഡ്രൈ​വ​ർ ബാ​ലു​ശേ​രി ഏ​ക​രൂ​ർ ഷ​മീ​ജി​നെ ചൊ​വ്വാ​ഴ്ച രാ​ത്രി ത​ന്നെ അ​റ​സ്റ്റു ചെ​യ്തി​രു​ന്നു.