തിരുവനന്തപുരം: ദേശീയപാത വികസനവുമായി ബന്ധപ്പെട്ട ഉത്തരവിനെതിരേ മന്ത്രി ജി. സുധാകരൻ കേന്ദ്രസർക്കാരിന് കത്തയച്ചു. കേരളത്തിലെ കാസർഗോഡ് ഒഴികെയുള്ള സ്ഥലങ്ങളെ ദേശീയപാത വികസനത്തിന്റെ ഒന്നാം മുൻഗണന പട്ടികയിൽ നിന്ന് ഒഴിവാക്കിയതിനെതിരെയാണ് മന്ത്രി കത്തയച്ചത്. കേന്ദ്രമന്ത്രി നിതിൻ ഗഡ്കരിക്കാണ് സുധാകരൻ കത്തയച്ചത്.
കേരളത്തിൽ ദേശീയപാത വികസനത്തിന് സ്ഥലമേറ്റെടുപ്പ് 80 ശതമാനത്തോളം പൂർത്തിയായ സാഹചര്യത്തിൽ ഒന്നാം മുൻഗണനാപട്ടികയിൽ നിന്ന് ഒഴിവാക്കരുതെന്നാണ് കേരളത്തിന്റെ ആവശ്യം.
കാസർഗോഡ് ഒഴികെയുള്ള സ്ഥലങ്ങളിൽ പുതിയതായി നിർമാണ പ്രവൃത്തികളും ടെൻഡർ നടപടികളും ആരംഭിക്കാനാകില്ലെന്നാണ് പുതിയ ഉത്തരവ്. ഈ പ്രദേശങ്ങളെ ദേശീയപാത വികസനത്തിന്റെ രണ്ടാം മുൻഗണനാ പട്ടികയിലേക്ക് മാറ്റുകയും ചെയ്തു. ഇതിനെതിരെയാണ് മന്ത്രിയുടെ കത്ത്.
ദേശീയപാത വികസനം: കേന്ദ്രത്തിന് മന്ത്രി സുധാകരൻ കത്തയച്ചു
12:20 PM May 05, 2019 | Deepika.com