തൃശൂർ: തൃശൂർ പൂരം മുൻ വർഷത്തേതുപോലെ നടത്തുമെന്ന് മന്ത്രി വി.എസ്. സുനിൽകുമാർ. ആചാര പ്രകാരം ആർഭാടമായി തന്നെ തൃശൂർ പൂരം നടത്തും. ശ്രീലങ്കയിലെ ഭീകരാക്രമണത്തിന്റെ പശ്ചാത്തലത്തിൽ തൃശൂർ പൂരത്തിന്റെ സുരക്ഷ കർശനമാക്കാൻ തീരുമാനിച്ചിട്ടുണ്ട്. എന്നാൽ ഇതുമൂലം പൂര പ്രേമികൾക്ക് യാതൊരു നിയന്ത്രണവും ഏർപ്പെടുത്തില്ലെന്നും പൂരത്തിനെത്തുന്നവർ സഞ്ചികളും ബാഗുകളും കൊണ്ടുവരരുതെന്ന് നിർദ്ദേശം നൽകുമെന്നും മന്ത്രി പറഞ്ഞു.
വെടിക്കെട്ടും കഴിഞ്ഞ തവണത്തേതുപോലെ തന്നെ നടത്തും. സുരക്ഷയ്ക്കായി കൂടുതൽ സിസിടിവികൾ സ്ഥാപികുമെന്നും കൂടുതൽ പോലീസുകാരെയും ഫയർഫോഴ്സ് ഉദ്യോഗസ്ഥരെയും വിന്യസികുമെന്നും മന്ത്രി കൂട്ടിച്ചേർത്തു.
തൃശൂർ പൂരം മുൻ വർഷത്തേതുപോലെ നടത്തുമെന്ന് മന്ത്രി സുനിൽകുമാർ
03:47 PM May 04, 2019 | Deepika.com