ന്യൂഡൽഹി: റഫാൽ കേസിൽ കേന്ദ്ര സർക്കാർ സുപ്രീംകോടതിയിൽ പുതിയ സത്യവാങ്മൂലം നൽകി. പുനഃപരിശോധന ഹർജികൾ തള്ളണമെന്ന് ആവശ്യപ്പെട്ടാണ് ഹർജി നൽകിയിരിക്കുന്നത്.
റഫാൽ യുദ്ധ വിമാന ഇടപാടിനെ കുറിച്ച് സിബിഐ അന്വേഷണം ആവശ്യം ഇല്ല. കോടതിയിൽ ഹാജരാക്കിയത് മോഷ്ടിക്കപ്പെട്ട ഫയൽ കുറിപ്പുകളാണെന്നും അവ അന്തിമ തീരുമാനമായി കണക്കാക്കാൻ കഴിയില്ലെന്നും കേന്ദ്ര സർക്കാർ സത്യവാങ്മൂലത്തിൽ പറയുന്നു.
പുനഃപരിശോധന ഹർജികൾക്ക് ഒപ്പം ഫയൽ ചെയ്തിരിക്കുന്ന രേഖകൾ പ്രതിരോധ മന്ത്രാലയത്തിന്റെ രഹസ്യ ഫയൽ കുറുപ്പികളാണെന്നും കേന്ദ്ര സർക്കാർ പറയുന്നു. ഇടപാടുമായി ബന്ധപ്പെട്ട ചർച്ചകൾ പ്രധാനമന്ത്രിയുടെ ഓഫീസ് നിരീക്ഷച്ചതിനെ സമാന്തര ചർച്ച എന്ന് വിശേഷിപ്പിക്കാൻ ആക്കില്ല. കരാർ ചർച്ചകളുടെ പുരോഗതി നിരീക്ഷിക്കുക മാത്രമാണ് ചെയ്തതെന്നും സത്യവാങ്മൂലത്തിൽ ചൂണ്ടിക്കാട്ടി.
കഴിഞ്ഞ ദിവസം പുനഃപരിശോധന ഹർജികളിൽ മറുപടി സത്യവാങ്മൂലം സമർപ്പിക്കാൻ കൂടുതൽ സമയം വേണമെന്ന കേന്ദ്രത്തിന്റെ ആവശ്യം സുപ്രീംകോടതി തള്ളിയിരുന്നു.
റഫാൽ: കേന്ദ്രം സുപ്രീംകോടതിയിൽ പുതിയ സത്യവാങ്മൂലം നൽകി
12:20 PM May 04, 2019 | Deepika.com