മെൽബൺ: ഓസ്ട്രേലിയയ്ക്കെതിരായ മൂന്നാം ക്രിക്കറ്റിൽ ഇന്ത്യ ശക്തമായ നിലയിലേക്ക്. രണ്ടാം ദിനത്തിന്റെ ആദ്യ സെക്ഷനിൽ ചേതശ്വർ പൂജാര സെഞ്ചുറി(294 പന്തിൽ 103) പൂർത്തിയാക്കി. ഒന്നാം ഇന്നിംഗ്സിൽ രണ്ടിന് 277റൺസെന്ന നിലയിൽ മുന്നേറുകയാണ് ഇന്ത്യ. പൂജരായ്ക്കൊപ്പം 69 റൺസുമായി ക്യാപ്റ്റൻ വിരാട് കോഹ്ലിയാണ് ക്രീസിൽ.
ഒന്നാംദിനം മികച്ച തുടക്കമാണ് ഇന്ത്യക്ക് ലഭിച്ചത്. ഹനുമ വിഹാരിയും (എട്ട് റണ്സ്) മായങ്ക് അഗർവാളുമായിരുന്നു ഓപ്പണിംഗിന് എത്തിയത്. അരങ്ങേറ്റക്കാരൻ മായങ്ക് അഗർവാൾ അർധ സെഞ്ചുറി നേടി(76). രണ്ടാം വിക്കറ്റിൽ മായങ്കും പൂജാരയും 83 റണ്സ് കൂട്ടിച്ചേർത്തു. ആ അടിത്തറയിൽ കോഹ്ലിയും പൂജാരയും ഉറച്ചുനിന്നതോടെ ആദ്യദിനം ഇന്ത്യയുടെ വരുതിയിലായി.
പെർത്ത് ടെസ്റ്റിലെ ടീമിൽ മൂന്ന് മാറ്റങ്ങളുമായാണ് ഇന്ത്യ മൂന്നാം ടെസ്റ്റിന് ഇറങ്ങിയത്.
മെൽബണിലും പൂജാരയുടെ മതിൽപണി; ഇന്ത്യ ശക്തമായ നിലയിലേക്ക്
07:13 AM Dec 27, 2018 | Deepika.com