ദ​ളി​തു​ക​ൾ ഇ​പ്പോ​ഴും ക്ഷേ​ത്ര​ത്തി​നു പു​റ​ത്ത്; ഞെ​ട്ടി​ക്കു​ന്ന റി​പ്പോ​ർട്ട് പുറത്ത്

ന്യൂ​ഡ​ൽ​ഹി: ഇ​ന്ത്യ​യി​ലെ പ്ര​ധാ​ന ക്ഷേ​ത്ര​ങ്ങ​ളി​ൽ​പോ​ലും ഇ​ന്നും ദ​ളി​ത് വി​ഭാ​ഗ​ങ്ങ​ൾ​ക്ക് അ​യി​ത്തം നി​ല​നി​ൽ​ക്കു​ന്ന​താ​യി റി​പ്പോ​ർ​ട്ട്. ദ​ളി​തു​ക​ളെ അ​ക​റ്റി​നി​ർ​ത്തി ദേ​വീ ദേ​വ​ൻ​മാ​രു​ടെ പ​രി​ശു​ദ്ധി കാ​ത്തു​സൂ​ക്ഷി​ക്കാ​ൻ ശ്ര​മി​ക്കു​ക​യാ​ണ്. ഇ​ന്ത്യാ ടു​ഡേ​യാ​ണ് ഇ​ക്കാ​ര്യം റി​പ്പോ​ർ​ട്ട് ചെ​യ്ത​ത്.

ക്ഷേ​ത്ര​ന​ഗ​ര​മാ​യ വാ​രാ​ണ​സി​യി​ൽ ശി​വ​ക്ഷേ​ത്ര​മാ​യ കാ​ൽ ഭൈ​ര​വ ക്ഷേ​ത്ര​ത്തി​ൽ ദ​ളി​തു​ക​ൾ​ക്ക് വി​ഗ്ര​ഹ​ത്തി​ന​ടു​ത്തേ​ക്ക് പ്ര​വേ​ശ​ന​മി​ല്ല. ദ​ളി​തു​ക​ൾ വി​ഗ്ര​ഹ​ത്തെ തൊ​ടാ​ൻ ഇ​ട​യാ​യാ​ൽ അ​ശു​ദ്ധ​മാ​കും. അ​തി​നാ​ൽ അ​വ​രെ വി​ഗ്ര​ഹ​ത്തി​ൽ സ്പ​ർ​ശി​ക്കാ​ൻ അ​നു​വ​ദി​ക്കി​ല്ലെ​ന്ന് ക്ഷേ​ത്ര പൂ​ജാ​രി പ​റ​ഞ്ഞു.

ദ​ളി​തു​ക​ൾ അ​ല്ലാ​ത്ത എ​ല്ലാ ജാ​തി​യി​ൽ​പ്പെ​ട്ട​വ​ർ​ക്കും വി​ഗ്ര​ഹ​ത്തി​ൽ സ്പ​ർ​ശി​ക്കാം. ദ​ളി​തു​ക​ൾ ഭ​ക്ഷി​ക്കു​ന്ന​ത് അ​ശു​ദ്ധ​മാ​യ വ​സ്തു​ക്ക​ളാ​ണ്. അ​താ​ണ് വ​ലി​യ പ്ര​ശ്നം. ന​മ്മ​ൾ കാ​ണാ​ൻ​പോ​ലും ഇ​ഷ്ട​പ്പെ​ടാ​ത്ത​താ​ണ് അ​വ​ർ ഭ​ക്ഷി​ക്കു​ന്ന​തെ​ന്നും പൂ​ജാ​രി പ​റ​യു​ന്നു.

സ്വ​ത​ന്ത്ര​മാ​യി മ​താ​ചാ​ര​ങ്ങ​ൾ അ​നു​ഷ്ഠി​ക്കാ​ൻ ഭ​ര​ണ​ഘ​ട​ന അ​വ​കാ​ശം ന​ൽ​കു​മ്പോ​ഴും പാ​ര​മ്പ​ര്യ​ത്തി​ന്‍റെ വി​വേ​ച​നാ​പ​ര​മാ​യ വ്യാ​ഖ്യാ​ന​ങ്ങ​ൾ മ​തം മു​റു​കെ പി​ടി​ക്കു​ന്ന​ത് തു​ട​രു​ക​യാ​ണ്.

ഒ​ഡീ​ഷ​യി​ലെ ലിം​ഗ​രാ​ജ് ക്ഷേ​ത്ര​ത്തി​ലും സ​മാ​ന​മാ​യ വി​വേ​ച​ന​മാ​ണ് ദ​ളി​തു​ക​ൾ അ​നു​ഭ​വി​ക്കു​ന്ന​ത്. ശി​വ​ക്ഷേ​ത്ര​മാ​യ ഇ​വി​ടെ ശി​വ​രാ​ത്രി ദി​ന​ത്തി​ൽ മാ​ത്രം ല​ക്ഷ​ത്തി​ലേ​റെ ഭ​ക്ത​രാ​ണ് എ​ത്തു​ന്ന​ത്. ഈ ​ക്ഷേ​ത്ര​ത്തി​ൽ ദ​ളി​തു​ക​ൾ​ക്ക് വ​ർ​ഷ​ത്തി​ൽ ഒ​രി​ക്ക​ൽ മാ​ത്രം ശി​വ​രാ​ത്രി​ക്കാ​ണ് പ്ര​വേ​ശം ഉ​ള്ള​ത്. ശി​വ​രാ​ത്രി​ക്കു ശേ​ഷം ദ​ളി​തു​ക​ൾ എ​ത്തി​യ​തി​നാ​ൽ അ​ശു​ദ്ധ​മാ​യ വി​ഗ്ര​ഹ​ത്തെ സ്നാ​നം ചെ​യ്തെ​ടു​ക്കും. ശി​വ​രാ​ത്രി​യി​ൽ മാ​ത്ര​മാ​ണ് ഈ ​ക്ഷേ​ത്ര​ത്തി​ൽ ദ​ളി​തു​ക​ൾ​ക്ക് പ്ര​വേ​ശ​നം ഉ​ള്ളെ​ന്ന് ലിം​ഗ​രാ​ജ് പൂ​ജാ​രി മ​നാ​സ് പ​റ​ഞ്ഞു.

ക്ഷേ​ത്ര​ത്തി​ൽ പ്ര​വേ​ശി​ച്ച് പ്രാ​ർ​ഥ​ന ന​ട​ത്താ​ൻ ദ​ളി​ത​ക​ൾ​ക്ക് ഒ​രു ദി​വ​സം മാ​ത്ര​മാ​ണ് അ​നു​വ​ദി​ച്ചി​രി​ക്കു​ന്ന​ത്. മ​റ്റു ദി​വ​സ​ങ്ങ​ളി​ൽ ക്ഷേ​ത്ര​ത്തി​ലേ​ക്ക് ഇ​വ​ർ​ക്ക് പ്ര​വേ​ശ​ന​മി​ല്ല. ശി​വ​രാ​ത്രി​ക്കു ശേ​ഷം വി​ഗ്ര​ഹ​ത്തി​ൽ വെ​ളു​ത്ത പൊ​ടി പൂ​ശും. അ​തി​നു ശേ​ഷം ഗം​ഗാ ജ​ലം ത​ളി​ക്കും. പി​ന്നീ​ടാ​ണ് വി​ഗ്ര​ഹ​ത്തെ കു​ളി​പ്പി​ക്കാ​ൻ കൊ​ണ്ടു​പോ​കു​ന്ന​തെ​ന്നും മ​നാ​സ് അ​റി​യി​ച്ചു.

ഉ​ത്ത​രാ​ഖ​ണ്ഡി​ലെ അ​ൽ​മോ​ര​യി​ൽ പു​രാ​ത​ന ശി​വ​ക്ഷേ​ത്ര​മാ​യ വൃ​ദ്ധ് ജ​ഗേ​ശ്വ​ർ ക്ഷേ​ത്ര​ത്തി​ൽ ഇ​പ്പോ​ഴും ദ​ളി​തു​ക​ൾ​ക്ക് പ്ര​വേ​ശ​ന​മി​ല്ല. ഇ​വി​ടെ ദ​ളി​തു​ക​ൾ ക്ഷേ​ത്ര​ത്തി​നു പു​റ​ത്തു​നി​ന്നാ​ണ് പ്രാ​ർ​ഥ​ന ന​ട​ത്തു​ന്ന​ത്. ഉ​ത്ത​രാ​ഖ​ണ്ഡി​ലെ ബാ​ഗേ​ശ്വ​ർ ജി​ല്ല​യി​ൽ ബ​യി​ജ്നാ​ഥ് ക്ഷേ​ത്ര​ത്തി​ലും സ​മാ​ന അ​വ​സ്ഥ​യാ​ണ്. ശി​വ​പാ​ർ​വ​തി പ്ര​തി​ഷ്ഠ​യു​ള്ള ക്ഷേ​ത്ര​ത്തി​ൽ ദ​ളി​ത​ർ​ക്ക് ക്ഷേ​ത്ര​ത്തി​നു പു​റ​ത്തു​നി​ന്നു മാ​ത്ര​മേ പ്രാ​ർ​ഥ​ന ന​ട​ത്താ​ൻ സാ​ധി​ക്കു. എ​ല്ലാ വി​ഭാ​ഗ​ത്തി​ൽ​പ്പെ​ട്ട ബ്രാ​ഹ്മ​ണ​ർ​ക്കും ഠാ​ക്കൂ​ർ‌​മാ​ർ​ക്കും ക്ഷേ​ത്ര​ത്തി​ൽ പ്ര​വേ​ശി​ക്കാം. ദ​ളി​തു​ക​ൾ​ക്ക് ക​ഴി​യി​ല്ലെ​ന്ന് പൂ​ജാ​രി പ​റ​ഞ്ഞു.

ഇ​ന്ത്യ​യി​ലെ ക്ഷേ​ത്ര​ങ്ങ​ളി​ലെ​ല്ലാം ദ​ളി​തു​ക​ളെ ഭ​ര​ണ​ത്തി​ൽ പ​ങ്കാ​ളി​ക​ളാ​ക്ക​ണ​മെ​ന്ന് ഭിം ​ആ​ർ​മി നേ​താ​വ് ച​ന്ദ്ര​ശേ​ഖ​ർ ആ​സാ​ദ് പ​റ​ഞ്ഞു. ക്ഷേ​ത്ര​ങ്ങ​ളെ​യെ​ല്ലാം ഭ​ര​ണ​ഘ​ട​നാ​പ​ര​മാ​യ അ​ധി​കാ​ര​ങ്ങ​ൾ​ക്കു കീ​ഴി​ലാ​ക്ക​ണം. ക്ഷേ​ത്ര​ഭ​ര​ണ​സ​മി​തി നി​യ​മ​ന​ത്തി​ന് യോ​ഗ്യ​ത നി​ർ​ണ​യി​ക്ക​ണം. ഇ​പ്ര​കാ​രം ഇ​ടു​ന്ന പ​ട്ടി​ക​യി​ൽ​നി​ന്ന് ജോ​ലി​ക്കാ​രെ തെ​ര​ഞ്ഞെ​ടു​ക്കു​ക​യും വേ​ണം ച​ന്ദ്ര​ശേ​ഖ​ർ പ​റ​ഞ്ഞു.