കോൽക്കത്ത: ജെറ്റ് എയർവെയ്സിന്റെ യാത്രക്കാരൻ പോലീസ് പിടിയിൽ. വിമാനം തകർക്കുമെന്ന് ഫോണിൽ സംസാരിച്ചതിനെ തുടർന്ന് വേദൻ പൊദ്ദാർ എന്ന യാത്രക്കാരനെയാണ് സിഐഎസ്എഫ് പിടികൂടി പോലീസിനു കൈമാറിയത്. കോൽക്കത്ത അന്താരാഷ്ട്ര വിമാനത്താവളത്തിൽ തിങ്കളാഴ്ച രാവിലെയായിരുന്ന സംഭവം.
ജെറ്റ് എയർവെയ്സ് 9ഡബ്ല്യു472 വിമാനത്തിലെ യാത്രക്കാരനായിരുന്നു പൊദ്ദാർ. ഇയാൾ മുഖംമൂടി ധരിച്ച ഒരാളുടെ ചിത്രം ഫോണിൽ അയച്ചതും അധികൃതർ കണ്ടെത്തിയിരുന്നു. കോൽക്കത്ത സ്വദേശിയായ ഇയാളെ പോലീസ് ചോദ്യം ചെയ്തു വരികയാണ്.
പൊദ്ദാറിന്റെ കുടുംബത്തെയും പോലീസ് വിളിച്ചുവരുത്തി. സുഹൃത്തുകളെ കബളിപ്പിക്കാനാണ് മകൻ ഇപ്രകാരം ചെയ്തതെന്നായിരുന്നു പൊദ്ദാറിന്റെ അച്ഛന്റെ പ്രതികരണം.
വിമാനം തകർക്കുമെന്ന് ഫോണിൽ സംസാരിച്ച യുവാവ് പിടിയിൽ
01:03 PM Nov 26, 2018 | Deepika.com