തിരുവനന്തപുരം: ശബരിമലയിൽ സുപ്രീംകോടതി വിധി നടപ്പാക്കാനാണ് ഉദ്ദേശിക്കുന്നതെന്ന് മുഖ്യമന്ത്രി പിണറായി വിജയൻ. രാജ്യം ഭരിക്കുന്ന കക്ഷി വിധി അട്ടിമറിക്കാൻ ശ്രമിക്കുകയാണെന്നും അദ്ദേഹം പറഞ്ഞു. "നാം മുന്നോട്ട്' എന്ന മുഖ്യമന്ത്രിയുടെ പ്രതിവാര സംവാദ പരിപാടിയിൽ സംസാരിക്കുകയായിരുന്നു അദ്ദേഹം.
ശബരിമലയെ സംഘർഷ ഭൂമിയാക്കുകയാണ് പ്രക്ഷോഭകരുടെ ലക്ഷ്യം. ഒരു കൂട്ടർ കൊടിയെടുത്തും മറ്റൊരു കൂട്ടർ കൊടിയില്ലാതെയും സമരം ചെയ്യുന്നു. കൊടിയില്ലാത്തവർ കൊടിയുള്ളവരുടെ നേതൃത്വം അംഗീകരിക്കുന്നു. എന്നാൽ ഇതുകൊണ്ടൊന്നും കേരളത്തിന്റെ മതനിരപേക്ഷ മനസിനെ ഉലയ്ക്കാനാവില്ല. പെൺകുട്ടികൾ ചൊവ്വയിലേക്കു പോകാൻ തയാറെടുക്കുന്ന നാട്ടിലാണ് ഇതെല്ലാം- അദ്ദേഹം പറഞ്ഞു. കോടതി വിധി നടപ്പാക്കുമെന്ന തീരുമാനത്തിൽനിന്നും സർക്കാർ പിന്നോട്ടില്ലെന്നും മുഖ്യമന്ത്രി കൂട്ടിച്ചേർത്തു.
തീരുമാനത്തിൽനിന്നും പിന്നോട്ടില്ല; ശബരിമലയിൽ കോടതി വിധി നടപ്പാക്കും: മുഖ്യമന്ത്രി
09:56 PM Oct 22, 2018 | Deepika.com