കൊല്ലം: കൊട്ടിയത്ത് ജ്യേഷ്ഠൻ കുത്തേറ്റു മരിച്ച സംഭവത്തിൽ അനുജൻ പോലീസ് പിടിയിലായി. കൊട്ടിയം തഴുത്തല പനവിളയിൽ മഹിപാലനാണ് (56) മരിച്ചത്. സംഭവവുമായി ബന്ധപ്പെട്ട് അനുജൻ ധനപാലനെ പുലർച്ചയോടെ പോലീസ് കസ്റ്റഡിയിലെടുത്തു.
കഴിഞ്ഞ രാത്രിയാണ് സംഭവം. കുടുംബവഴക്കാണ് സംഭവത്തിന് കാരണമായത്. ഇരുവരും വീട്ടിൽ വഴക്കിടുക പതിവായിരുന്നു. പതിവുപോലെ കഴിഞ്ഞ രാത്രിയിലും വഴക്കിട്ടു. ഇതിനിടയിൽ ജ്യേഷ്ഠനെ അനുജനെ കുത്തി വീഴ്ത്തുകയായിരുന്നു. തുടർന്ന് സ്ഥലത്തു നിന്നും രക്ഷപെട്ട ധനപാലനെ പോലീസ് പുലർച്ചെയോടെ അറസ്റ്റ് ചെയ്തു.
മാരകമായ കുത്തിൽ ഹൃദയത്തിൽ ആഴത്തിലുള്ള മുറിവേറ്റാണ് ജേഷ്ഠൻ മരിച്ചത്. മരിച്ച മഹിപാലൻ അവിവാഹിതനാണ്.
കൊട്ടിയത്ത് യുവാവ് കുത്തേറ്റ് മരിച്ചു; സഹോദരൻ പിടിയിൽ
01:16 PM Oct 01, 2018 | Deepika.com