ഇസ്ലാമാബാദ്: ഉന്നതല ഉച്ചകോടിക്കെത്തിയ കുവൈത്ത് സംഘത്തിന്റെ പേഴ്സ് അടിച്ചു മാറ്റി പാക് ഉദ്യോഗസ്ഥൻ. ഇസ്ലാമാബാദിൽ നിക്ഷേപക പദ്ധതികളെക്കുറിച്ച് ആലോചനകൾക്കായെത്തിയ കുവൈത്ത് സംഘത്തിന്റെ പേഴ്സാണ് ഗ്രേഡ് 20 തലത്തിലുള്ള ഉദ്യോഗസ്ഥൻ അടിച്ചുമാറ്റിയത്. മോഷണം ധനമന്ത്രാലയത്തിലെ സിസിടിവി കാമറയിൽ പതിഞ്ഞതോടെ സംഭവം വിവാദമായി.
ജോയിന്റ് ഇൻവെസ്റ്റ്മെന്റ് ഫെസിലിറ്റേഷൻ സെക്രട്ടറി സരാർ ഹൈദർ ഖാൻ ആണ് പേഴ്സ് മോഷ്ടിച്ചത്. മേശപ്പുറത്ത് മറന്നിട്ട പേഴ്സ് ഇദ്ദേഹം സ്വന്തംപോക്കറ്റിലേക്ക് തിരുകുകയായിരുന്നു. പേഴ്സ് നഷ്ടപ്പെട്ടതായി കുവൈത്ത് പ്രതിനിധി സംഘം പരാതിപ്പെട്ടതോടെയാണ് സംഭവം പുറത്താകുന്നത്. പരാതിയെത്തുടർന്ന് ജീവനക്കാർ പേഴ്സ് തെരഞ്ഞെങ്കിലും കണ്ടെത്താൻ കഴിഞ്ഞില്ല. ഇതോടെയാണ് സിസിടിവി ദൃശ്യങ്ങൾ പരിശോധിക്കാൻ തീരുമാനിച്ചത്. സിസിടിവി മോഷ്ടാവിനെ കൈയോടെ പിടികൂടുകയും ചെയ്തു.
ഉച്ചകോടിക്കെത്തിയ കുവൈത്ത് സംഘത്തിന്റെ പേഴ്സ് അടിച്ചു മാറ്റി പാക് ഉദ്യോഗസ്ഥൻ
01:58 PM Sep 30, 2018 | Deepika.com