താമരശേരി: പബ്ലിക് ലൈബ്രറിയുടെ 76 -ാം വാർഷികത്തോടനുബന്ധിച്ച് ലൈബ്രറി അംഗങ്ങൾക്കു വേണ്ടി ചെറുകഥ, കവിത എന്നീ വിഭാഗങ്ങളിൽ രചനാ മത്സരങ്ങൾ നടത്തുന്നു. ചെറുകഥ ആറ് പേജിൽ കൂടാത്തതും കവിത മുപ്പത് വരിയിൽ കൂടാത്തതും ആയിരിക്കേണ്ടതാണ്. രചയിതാവിന്റെ അംഗത്വ നമ്പറും, പേരും, വിലാസവും, ഫോൺ നമ്പറും കവറിനു പുറത്ത് മാത്രമേ എഴുതാൻ പാടുള്ളു. രചനകൾ ഒക്ടോബർ അഞ്ചിന് മുമ്പ് ലൈബ്രറി സെക്രട്ടറിക്ക് ലഭിക്കണം. ഒന്നും രണ്ടും സ്ഥാനക്കാർക്കുള്ള സമ്മാനങ്ങൾ ഒക്ടോബർ 20 ന് നടത്തുന്ന വാർഷികാഘോഷ പരിപാടിയിൽ വെച്ച് നൽകുന്നതാണ്.
ആടും കോഴിയും
വിതരണം ചെയ്തു
തിരുവമ്പാടി : തിരുവമ്പാടി പഞ്ചായത്ത് കുടുംബശ്രീ സിഡിഎസ് നേതൃത്വത്തിൽ ഉറുമി വാർഡിൽ ആടും കോഴിയും കൂടും വിതരണം ചെയ്തു.മൃഗസംരക്ഷണത്തിൽ ഊന്നിയുള്ള ഉപജീവന പ്രവർത്തനങ്ങളുടെ ഭാഗമായി കുടുംബശ്രീ ജില്ലാ മിഷൻ അനുവദിച്ച ഫണ്ട് ഉപയോഗിച്ചാണ് പദ്ധതി നടപ്പിലാക്കിയത്. തിരുവമ്പാടി ഗ്രാമപഞ്ചായത്ത് പ്രസിഡന്റ് മേഴ്സി പുളിക്കാട്ട് വിതരണം നിർവഹിച്ച പരിപാടിയിൽ കുടുംബശ്രീ സിഡിഎസ് ചെയര് പേഴ്സണ് പ്രീതി രാജീവ് അധ്യക്ഷത വഹിച്ചു. പഞ്ചായത്ത് വൈസ് പ്രസിഡന്റ് കെ. എ.അബ്ദു റഹ്മാൻ, സ്ഥിരം സമിതി അധ്യക്ഷരായ രാമചന്ദ്രൻ കരിമ്പിൽ, ലിസി മാളിയേക്കൽ, പഞ്ചായത്ത് അംഗങ്ങളായ അപ്പു കോട്ടയിൽ, ലിസി സണ്ണി, കുടുംബശ്രീ സിഡിഎസ് അംഗം സെക്രട്ടറി മനോജ് തടത്തിൽ, സിഡിഎസ് അംഗങ്ങളായ സുഹറ ഇസ്മായിൽ, ഷീജ സണ്ണി, സിഡിഎസ് അക്കൗണ്ടന്റ് കെ .ശുഭ എന്നിവർ സംസാരിച്ചു.
രചനാ മത്സരങ്ങൾ നടത്തുന്നു
12:04 AM Sep 24, 2022 | Deepika.com