കൊല്ലം: കൊല്ലം നൈറ്റ് ടസ്കേഴ്സ് ക്ലബിന്റെ ആഭിമുഖ്യത്തിൽ കൊല്ലം നാസാ ഇൻഡോർ സ്റ്റേഡിയത്തിൽ ഒന്പതുമുതൽ 11വരെ യോനക്സ് യോളോ കപ്പ് കേരള സ്റ്റേറ്റ് ഷട്ടിൽ ടൂർണമെന്റ് നടത്തുന്നു.
സംസ്ഥാന-ജില്ലാ ലവൽ രീതിയിൽ എ-ലെവൽ, ബി-ലവൽ കാറ്റഗറിയിലാണ് ടൂർണമെന്റ്. എ ലവൽ കാറ്റഗറിയിൽ നാഷണൽ റേറ്റിംഗ് താരങ്ങളും ബി-ലവൽ കാറ്റഗറിയിൽ ജില്ലാ താരങ്ങളുമാണ് പങ്കെടുക്കുന്നത്.
എ-ലവലിൽ ഒന്നുമുതൽ മൂന്നുവരെ സ്ഥാനങ്ങൾ നേടുന്നവർക്ക് യഥാക്രമം 25000, 15000, 10000 രൂപ എന്നിങ്ങനെയും ബി-ലവലിൽ ഒന്നുമുതൽ മൂന്നുവരെ സമ്മാനമായി യഥാക്രമം 12500, 7500, 5000 രൂപയും ട്രോഫിയും നൽകും.
എമർജിംഗ് പ്ലയർ, ബെസ്റ്റ് പ്ലയർ എന്നിവർക്കും സമ്മാനമായി നൽകും. എ-ലെവൽ കാറ്റഗറിയിൽ ദേശീയ ചാന്പ്യന്മാരക്കമുള്ളവർ പങ്കെടുക്കും. യോനക്സാണ് യോളോ കപ്പ് ടൂർണമെന്റിന്റെ സ്പോൺസർമാർ.
എ-ലവൽ കാറ്റഗറിക്ക് 1000 രൂപയും ബി-ലെവലിന് 500 രൂപയുമാണ് രജിസ്ട്രേഷൻ ഫീസ്. പങ്കെടുക്കാൻ താത്പര്യമുള്ളവർ രജിസ്ട്രേഷന് 94471 82404 എന്ന നന്പരിൽ ബന്ധപ്പെടണമെന്ന് സംഘാടകർ അറിയിച്ചു.
ടൂർണമെന്റിന്റെ ഉദ്ഘാടനം ഒന്പതിന് വൈകുന്നേരം ആറിന് എം.നൗഷാദ് എംഎൽഎ ടൂർണമെന്റ് ഉദ്ഘാടനം ചെയ്യും. സിറ്റി പോലീസ് കമ്മീഷണർ പി.കെ.മധു, സംസ്ഥാന ബാഡ്മിൻറൺ അസോസിയേഷൻ പ്രസിഡന്റ് കെ.അനിൽകുമാർ സംബന്ധിക്കും.
11ന് രാത്രി ഏഴിന് നടക്കുന്ന സമാപന സമ്മേളനത്തിൽ മന്ത്രി ജെ.മേഴ്സിക്കുട്ടിയമ്മ, എം.മുകേഷ് എംഎൽഎ എന്നിവർ പങ്കെടുക്കും. സമ്മാനദാനത്തിന് ശേഷം വിവിധ കലാപരിപാടികളും ഉണ്ടായിരിക്കും.
സംസ്ഥാന ഷട്ടിൽ ടൂർണമെന്റ് കൊല്ലത്ത്
11:21 PM Nov 05, 2018 | Deepika.com