കൊട്ടാരക്കര: പുലമണിലെ ബാർഹോട്ടലിലുണ്ടായ സംഘർഷത്തിൽ മർദനമേറ്റയാളെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. കോട്ടയം കറുകച്ചാൽ സ്വദേശി ഹരീഷി(20)നെയാണ് അബോധാവസ്ഥയിൽ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചത്. മദ്യപിക്കാനെത്തിയ നാലംഗ സംഘവും ബാർ ജീവനക്കാരുമായുണ്ടായ സംഘർഷമാണ് ഏറ്റുമുട്ടലിൽ കലാശിച്ചത്.
കാറിൽ രക്ഷപെടാൻ ശ്രമിച്ച സംഘത്തെ ജീവനക്കാർ ഹോട്ടലിന്റെ ഗേറ്റടച്ച് തടഞ്ഞു. സംഘത്തിലെ മൂന്നു പേർ രക്ഷപെട്ടെങ്കിലും കൈയിൽ കിട്ടിയ ഹരീഷിനെ പത്തോളം വരുന്ന ജീവനക്കാർ ക്രൂരമായി മർദിച്ചു.
ട്രാഫിക്കിൽ ഡ്യുട്ടിയിലുണ്ടായിരുന്ന പോലീസുകാരുടെ കൺമുന്നിലായിരുന്നു മർദ്ദനം. രണ്ടു പേരെ പിന്നീട് പോലീസ് കസ്റ്റഡിയിലെടുത്തു. അബോധാവസ്ഥയിലായ ഹരീഷിനെ ആദ്യം താലൂക്കാശുപത്രിയിലും പിന്നീട് മെഡിക്കൽ കോളേജ് ആ ശുപത്രിയിലും പ്രവേശിപ്പിച്ചു.
ബാർ ഹോട്ടലിൽ സംഘട്ടനം: യുവാവിന് പരിക്കേറ്റു
11:09 PM Nov 02, 2018 | Deepika.com