വത്തിക്കാൻ സിറ്റി: ബ്രോങ്കൈറ്റിസിനു ചികിത്സ തേടുന്ന ഫ്രാൻസിസ് മാർപാപ്പ ഇന്നു റോമിലെ ജെമെല്ലി ആശുപത്രി വിടുമെന്നു വത്തിക്കാൻ വക്താവ് മത്തെയോ ബ്രൂണി അറിയിച്ചു. ഓശാന ഞായറിൽ സെന്റ് പീറ്റേഴ്സ് ചത്വരത്തിൽ നടക്കുന്ന തിരുക്കർമങ്ങൾക്കു ഫ്രാൻസിസ് മാർപാപ്പ കാർമികത്വം വഹിക്കും.
ബുധനാഴ്ച ആശുപത്രിയിൽ പ്രവേശിപ്പിക്കപ്പെട്ട മാർപാപ്പ സുഖം പ്രാപിക്കുന്നതായി വത്തിക്കാൻ നേരത്തേ അറിയിച്ചിരുന്നു. ബ്രോങ്കൈറ്റിസ് സ്ഥിരീകരിച്ച മാർപാപ്പയ്ക്ക് ആന്റിബയോട്ടിക്സ് അടക്കമുള്ള മരുന്നുകൾ നല്കുന്നുണ്ട്.
ആശുപത്രിയിൽ തന്നെ സഹായിക്കുന്ന ഡോക്ടർമാർ, നഴ്സുമാർ, സുരക്ഷാ ഉദ്യോഗസ്ഥർ മുതലായവർക്കൊപ്പം പിസ കഴിച്ചു. മാർപാപ്പ ഇന്ന് വത്തിക്കാനിലെ താമസസ്ഥലമായ സാന്താ മാർത്ത ഹോമിലേക്കു മടങ്ങുമെന്നു പ്രതീക്ഷിക്കപ്പെടുന്നു.
മാർപാപ്പ ഇന്ന് ആശുപത്രിവിടും
01:37 AM Apr 01, 2023 | Deepika.com