അങ്കാറ: റഷ്യയുമായി 1340 കിലോമീറ്റർ അതിർത്തി പങ്കിടുന്ന ഫിൻലൻഡിന് നാറ്റോ സൈനിക സഖ്യത്തിൽ അംഗത്വം നല്കുന്നതിനു തുർക്കി പാർലമെന്റ് അംഗീകാരം നല്കി. റഷ്യയുടെ യുക്രെയ്ൻ അധിനിവേശത്തിനു പിന്നാലെ മേയിലാണ് ഫിൻലൻഡ് അംഗത്വത്തിന് അപേക്ഷ നല്കിയത്.
എന്നാൽ, കുർദിഷ് തീവ്രവാദികൾക്കു പിന്തുണ നല്കുന്നു എന്നു പറഞ്ഞ് തുർക്കി തീരുമാനം വൈകിക്കുകയായിരുന്നു. നാറ്റോ ചട്ടം അനുസരിച്ച് പുതിയ അംഗങ്ങളെ ചേർക്കുന്നതിനു നിലവിലുള്ള എല്ലാ അംഗങ്ങളുടെയും സമ്മതം ആവശ്യമാണ്. ഫിൻലൻഡിനൊപ്പം സ്വീഡനും നാറ്റോയിൽ ചേരാൻ അപേക്ഷ നല്കിയിട്ടുണ്ട്. എന്നാൽ സ്വീഡന്റെ കാര്യത്തിൽ തുർക്കി അയഞ്ഞിട്ടില്ല.
ഫിൻലൻഡിന്റെ നാറ്റോ അംഗത്വം തുർക്കി അംഗീകരിച്ചു
01:37 AM Apr 01, 2023 | Deepika.com