അബുദാബി: യുഎഇ പ്രസിഡന്റും അബുദാബി ഭരണാധികാരിയുമായ ഷെയ്ഖ് മുഹമ്മദ് ബിൻ സയ്ദ് അൽ നഹ്യാൻ തന്റെ കിരീടാവകാശിയായി മൂത്ത മകൻ ഷെയ്ഖ് ഖാലിദിനെ നിയമിച്ചു.
ഷെയ്ഖ് മുഹമ്മദിന്റെ സഹോദരനും ഇംഗ്ലണ്ടിലെ മാഞ്ചസ്റ്റർ സിറ്റി ഫുട്ബോൾ ക്ലബിന്റെ ഉടമസ്ഥനുമായ ഷെയ്ഖ് മൻസൂറിനെ യുഎഇ സഹ വൈസ് പ്രസിഡന്റായും നിയമിച്ചു.
ദുബായ് ഭരണാധികാരി ഷെയ്ഖ് മുഹമ്മദ് ബിൻ റാഷിദ് അൽ മഖ്തൂം നിലവിൽ വൈസ് പ്രസിഡന്റാണ്. പ്രസിഡന്റിന്റെ സഹോദരങ്ങളായ ഷെയ്ഖ് തഹ്നൂണിനെ യുഎഇ ദേശീയ സുരക്ഷാ ഉപദേഷ്ടാവായും ഷയ്ഖ് ഹസ്സായെ അബുദാബി ഉപഭരണാധികാരിയായും നിയമിച്ചിട്ടുണ്ട്.
കഴിഞ്ഞവർഷം അധികാരമേറ്റ ഷെയ്ഖ് മുഹമ്മദ് ഈ നടപടികളിലൂടെ യുഎഇ ഭരണത്തിൽ സന്പൂർണപിടിമുറുക്കലാണു നടത്തിയിരിക്കുന്നത്.
ഷെയ്ഖ് ഖാലിദ് അബുദാബി കിരീടാവകാശി
12:51 AM Mar 31, 2023 | Deepika.com