ലണ്ടൻ: നിർമിതബുദ്ധിയുടെ വളർച്ച 30 കോടി തൊഴിലുകൾ ഇല്ലാതാക്കാമെന്നു പ്രമുഖ അമേരിക്കൻ നിക്ഷേപ ബാങ്കായ ഗോൾഡ്മാൻ സാക്സിന്റെ പഠനറിപ്പോർട്ട്. അമേരിക്കയിലെയും യൂറോപ്പിലെയും തൊഴിലുകളിൽ കാൽഭാഗവും ഭാവിയിൽ നിർമിതബുദ്ധി കൈകാര്യം ചെയ്തേക്കാം.
അതേസമയം ഉത്പാദനം വലിയതോതിൽ വർധിക്കാനും അതിന്റെ അനന്തരഫലമായി ആഗോള ജിഡിപി ഏഴു ശതമാനം ഉയരാനും നിർമിതബുദ്ധി കാരണമാകാം.
വിവിധ തൊഴിൽമേഖലകളിലുണ്ടാകുന്ന പ്രത്യാഘാതം വ്യത്യസ്തമായിരിക്കും. അഡ്മിനിസ്ട്രേറ്റീവ് മേഖലയിൽ 46ഉം നിയമമേഖലയിൽ 44ഉം ശതമാനം തൊഴിലുകൾ നിർമിതബുദ്ധി ഏറ്റെടുത്തേക്കാം. നിർമാണം, അറ്റകുറ്റപ്പണി മേഖലകളിൽ യഥാക്രമം ആറ്, നാല് ശതമാനം തൊഴിൽനഷ്ടമേ ഉണ്ടാകൂ.
മാധ്യമപ്രവർത്തനം അടക്കമുള്ള മേഖലകളിൽ വേതനം കുറയുന്നതിന് ഇടയാകാം. ഇപ്പോൾത്തന്നെ ചാറ്റ്ജിപിടിയുടെ സഹായത്താൽ, എഴുതാൻ കഴിവുകുറഞ്ഞയാൾക്കു മികച്ച ലേഖനങ്ങൾ തയാറാക്കാനാകും.
നിർമിതബുദ്ധി 30 കോടി തൊഴിലുകൾ ഇല്ലാതാക്കുമെന്ന്
10:37 PM Mar 29, 2023 | Deepika.com