മോസ്കോ: പുതുതായി വികസിപ്പിച്ച യാർസ് ഭൂഖണ്ഡാന്തര ബാലിസ്റ്റിക് മിസൈൽ സംവിധാനം ഉപയോഗിച്ച് റഷ്യൻ പട്ടാളം അഭ്യാസ പ്രകടനങ്ങൾ ആരംഭിച്ചു.
മൂവായിരം സൈനികരും മുന്നൂറിലധികം ഉപകരണങ്ങളും പങ്കെടുക്കുന്നതായി പ്രതിരോധ മന്ത്രാലയം അറിയിച്ചു. റഷ്യയിലെ മൂന്നു മേഖലകളിലാണ് അഭ്യാസങ്ങൾ.
റഷ്യയിൽ നിലവിലുള്ള ടോപ്പോൾ ബാലിസ്റ്റിക് മിസൈൽ സംവിധാനത്തിനു പകരം വികസിപ്പിച്ചതാണ് യാർസ്. 12,000 കിലോമീറ്റർ ദൂരപരധിയുള്ള മിസൈലുകൾക്ക് ഒന്നിലധികം ആണവപോർമുന വഹിക്കാൻ കഴിയും.
മിസൈൽ അഭ്യാസവുമായി റഷ്യ
10:37 PM Mar 29, 2023 | Deepika.com