തൃശൂർ: പുളിമൂട്ടിൽ സിൽക്സിന്‍റെ നവീകരിച്ച പുതിയ ഷോറൂമിന്‍റെ ഉദ്ഘാടനം 31ന് മേയർ എം.കെ. വർഗീസ് നിർവഹിക്കുമെന്ന് ഡയറക്ടർമാരായ ജേക്കബ് എബ്രഹാം, ജേക്കബ് ജോൺ, ജേക്കബ് സ്റ്റീഫൻ എന്നിവർ പത്രസമ്മേളനത്തിൽ പറഞ്ഞു.
പാലസ് റോഡിലെ പഴയ ഷോറൂമിനോടു ചേർന്ന് 50,000 സ്ക്വയർഫീറ്റ് കെട്ടിടത്തിലാണു പുതിയ ഷോറൂം പ്രവർത്തിക്കുക. നിലവിലെ ഷോറൂമിന്‍റെ പകുതിയിലധികം വലിപ്പമുണ്ട് പുതിയഷോറൂമിന്.
ജയന്‍റ് വീൽ പാർക്കിംഗ്, വാലറ്റ് പാർക്കിംഗ്, അണ്ടർ ഗ്രൗണ്ട് പാർക്കിംഗ് എന്നിങ്ങനെ വിശാലമായ പാർക്കിംഗ് സൗകര്യമാണ് ഒരുക്കിയിരിക്കുന്നത്. ഉദ്ഘാടനത്തോടനുബന്ധിച്ചു വിവാഹ പർച്ചേസുകൾക്കു പ്രതേ്യക ആനൂകൂല്യങ്ങളും നൽകും.
ആദ്യമായി ഡൈയിംഗ് ഫാബ്രിക്സ് എക്സ്ക്ലൂസീവ് സെലക്ഷൻ, ഡിസൈൻ റണ്ണിംഗ് മെറ്റീരിയലുകൾ, സിൽക്ക്, ഷീഫോൺ, കോട്ടൺ മെറ്റീരിയലിൽ റെഡിമെയ്ഡ് സൽവാറുകൾ, ബ്രൈജൽ ലെഹംഗ, ഗൗൺ, വിപുലമായ സാരി ഫ്ലോറിൽ വെഡിംഗ് സാരികൾക്കു മാത്രമായി ബ്രൈഡൽ ലൗഞ്ച്, ഡിസൈനർ, സിൽക്ക്, കോട്ടൺ, ജ്യൂട്ട്, ടസർ സാരികളുടെ ശേഖരങ്ങൾ, പുരുഷന്മാർക്കുള്ള വിവാഹ തുണിത്തരങ്ങളുടെ പുതുക്കിയ വിപുലമായ കളക്ഷനും പ്രതേ്യക ഗ്രൂം സ്റ്റുഡിയോയും, ബ്രാന്‍റഡ് തുണിത്തരങ്ങൾ, കുഞ്ഞുങ്ങൾക്കായി വസ്ത്രങ്ങളുടെയും കളിപ്പാട്ടങ്ങളുടെയും ശേഖരം തുടങ്ങിയവ പുതിയ ഷോറൂമിൽ ഒരുക്കിയിട്ടുണ്ട്.
പുളിമൂട്ടിൽ സിൽക്സിന്‍റെ നവീകരിച്ച ഷോറൂം ഉദ്ഘാടനം 31ന്
12:43 AM Mar 29, 2023 | Deepika.com