റ​ബ​ർ ഉ​ത്​പാ​ദ​നം കൂടി; വില കൂട്ടാതെ വ്യവസായികൾ

തെ​ളി​ഞ്ഞ കാ​ലാ​വ​സ്ഥ റ​ബ​ർ ഉ​ത്​പാ​ദ​നം മെ​ച്ച​പ്പെ​ടു​ത്തി. എന്നാൽ വ്യ​വ​സാ​യി​ക​ളു​ടെ ത​ണു​പ്പ​ൻ മ​നോ​ഭാ​വം വി​ല​ക്ക​യ​റ്റ​ത്തി​ന് ത​ട​സ​മാ​യി. ആ​ഭ്യ​ന്ത​ര ഡി​മാ​ന്‍റിൽ കു​രു​മു​ള​ക് വി​ല വീ​ണ്ടും ഉ​യ​ർ​ന്നു. വി​ദേ​ശ രാ​ജ്യ​ങ്ങ​ളി​ൽനി​ന്നു​ള്ള ശ​ക്ത​മാ​യ ഡി​മാ​ന്‍റ് ഇ​ന്ത്യ​ൻ കാ​പ്പി​യു​ടെ ക​ടു​പ്പം വ​രും വ​ർ​ഷ​ങ്ങ​ളി​ൽ ഇ​ര​ട്ടി​പ്പി​ക്കും. വെ​ളി​ച്ചെ​ണ്ണ​യെ കൈ​പി​ടി​ച്ചു​യ​ർ​ത്താ​ൻ ത​മി​ഴ്നാ​ട് ലോ​ബി കി​ണ​ഞ്ഞ് ശ്ര​മി​ച്ചി​ട്ടും ഫ​ല​മി​ല്ല.

റ​ബ​ർ മേ​ഖ​ല വി​ല​ക്ക​യ​റ്റ​ത്തെ ഉ​റ്റുനോ​ക്കി​യെ​ങ്കി​ലും ട​യ​ർ വ്യ​വ​സാ​യി​ക​ൾ ഷീ​റ്റ് വി​ല ഉ​യ​ർ​ത്തു​ന്ന കാ​ര്യ​ത്തി​ൽ ഇ​നി​യും ഉ​ത്സാ​ഹം കാ​ണി​ച്ചി​ട്ടി​ല്ല. രാ​ജ്യാ​ന്ത​ര റ​ബ​ർവി​ല താ​ഴ്ന്നു നി​ൽ​ക്കു​ന്ന​തി​നാ​ൽ ഇ​റ​ക്കു​മ​തി​ക്കാ​ണ് വ്യ​വ​സാ​യി​ക​ൾ മു​ൻതൂ​ക്കം ന​ൽകു​ന്ന​ത്.

തൊ​ട്ട് മു​ൻ​വാ​ര​ത്തി​ൽ ക​ന​ത്ത മ​ഴ​യി​ൽ റെ​യി​ൻ ഗാ​ർ​ഡ് ഇ​ട്ട​ തോ​ട്ട​ങ്ങ​ളി​ൽ പോ​ലും ടാ​പ്പിംഗിന് അ​വ​സ​രം ല​ഭി​ക്കാ​തെ ഉ​ത്​പാ​ദ​ക​ർ വി​ട്ടു​നി​ന്നി​ട്ടും ഷീ​റ്റ് വി​ല ഉ​യ​ർ​ത്താ​ൻ വാ​ങ്ങ​ലു​കാ​ർ ത​യാ​റാ​യി​ല്ല. കാ​ലാ​വ​സ്ഥ തെ​ളി​ഞ്ഞ സാ​ഹ​ച​ര്യ​ത്തി​ൽ വ്യ​വ​സാ​യി​ക​ൾ വി​ല ഇ​ടി​ക്കു​മോ​യെ​ന്ന ആ​ശ​ങ്ക വി​പ​ണി​യി​ലു​ണ്ടെ​ങ്കി​ലും സ്റ്റോ​ക്ക് കു​റ​ഞ്ഞ വി​ല​യ്ക്ക് കൈ​മാ​റാ​ൻ ആ​രും ത​യാ​റാ​യി​ല്ല. ഇ​തി​നി​ട​യി​ൽ ക​ർ​ണാ​ട​ക​ത്തി​ൽനി​ന്നും വ്യ​വ​സാ​യി​ക​ൾ നാ​ലാം ഗ്രേ​ഡ് കി​ലോ 144 രൂ​പ​യ്ക്ക് ശേ​ഖ​രി​ച്ചു.

ര​ണ്ട് രൂ​പ താ​ഴ്ത്തി വി​പ​ണി പി​ടി​ക്കാ​നു​ള്ള അ​വ​രു​ടെ ശ്ര​മ​ങ്ങ​ൾ വ​രും മാ​സ​ങ്ങ​ളി​ൽ റ​ബ​റി​ന് തി​രി​ച്ച​ടി​യാ​വാം. കാ​ൽ നൂ​റ്റാ​ണ്ടു മു​ൻ​പ് ത​മി​ഴ്നാ​ട് ഇ​തേ ത​ന്ത്രം പ​യ​റ്റി​യാ​ണ് നാ​ളി​കേ​ര​ത്തി​ൽ ന​മു​ക്കു​ണ്ടാ​യ സ്വാ​ധീ​നം അ​വ​ർ കൈപ്പി​ടി​യി​ലാ​ക്കി​യ​ത്. കൊ​ച്ചി​യി​ൽ നാ​ലാം ഗ്രേ​ഡ് റ​ബ​ർ 14,600ലും ​അ​ഞ്ചാം ഗ്രേ​ഡ് 14,400 ലും ​വി​പ​ണ​നം ന​ട​ന്നു. ഒ​ട്ടു​പാ​ൽ 9400ലും ​ലാ​റ്റ​ക്സ് 10,300ലു​മാ​ണ്.

പ്രതീക്ഷയോടെ കുരുമുളക്

അ​ന്ത​ർ​സം​സ്ഥാ​ന വ്യാ​പാ​രി​ക​ൾ കു​രു​മു​ള​കി​നാ​യി രം​ഗ​ത്തെ​ത്തി​യ​ത് വി​ല മെ​ച്ച​പ്പെ​ടു​ത്തി. ടെ​ർ​മി​ന​ൽ മാ​ർ​ക്ക​റ്റി​ൽ ല​ഭ്യ​ത ചു​രു​ങ്ങി​യ​ത് നാ​ട​ൻ മു​ള​കി​നു​ള്ള ക്ഷാ​മം രൂ​ക്ഷ​മാ​ക്കി. ഇ​ട​പാ​ടു​ക​ൾ ന​ട​ന്ന എ​ല്ലാ ദി​വ​സ​ങ്ങ​ളി​ലും നി​ര​ക്കു​യ​ർ​ത്താ​ൻ ഉ​ത്ത​രേ​ന്ത്യ​ക്കാ​ർ ഉ​ത്സാ​ഹി​ച്ച​തോ​ടെ അ​ണ്‍ ഗാ​ർ​ബി​ൾ​ഡ് മു​ള​ക് 61,300 രൂ​പ വ​രെ ക​യ​റി. അ​ടു​ത്ത സീ​സ​ണി​ലെ വി​ള​വ് സം​ബ​ന്ധി​ച്ച് വ്യ​ക്ത​മാ​യ ചി​ത്ര​ത്തി​നാ​യി സ്റ്റോ​ക്കി​സ്റ്റു​ക​ളും കാ​ത്തുനി​ൽ​ക്കു​ക​യാ​ണ്.

തു​ലാ​വ​ർ​ഷം തി​രി​ക​ളെ ഏ​ത് വി​ധ​ത്തി​ൽ സ്വാ​ധീ​നി​ക്കു​മെ​ന്ന​തി​നെ ആ​ശ്ര​യി​ച്ചാ​വും ന​വം​ബ​റി​ൽ ഉ​ത്പ​ന്നവി​ല നീ​ങ്ങു​ക. കൊ​ച്ചി​യി​ൽ കു​രു​മു​ള​ക് ഗാ​ർ​ബി​ൾ​ഡ് ക്വി​ൻ​റ്റ​ലി​ന് 63,300 രൂ​പ. അ​ന്താ​രാ​ഷ്‌ട്ര മാ​ർ​ക്ക​റ്റി​ൽ ഇ​ന്ത്യ​ൻ നി​ര​ക്ക് ട​ണ്ണി​ന് 7,900 ഡോ​ള​ർ. ഇ​ന്തോ​നേ​ഷ്യ 7,900, ബ്ര​സീ​ൽ 3,300, വി​യറ്റ്നാം 3,400, ശ്രീ​ല​ങ്ക 6,800 ഡോ​ള​റി​നും ക്വ​ട്ടേ​ഷ​ൻ ഇ​റ​ക്കി.

കാപ്പി സ്ട്രോങ്ങാകുന്നു

ലോ​ക കോ​ഫി കോ​ണ്‍​ഫ​റ​ൻ​സ് വി​ല​യി​രു​ത്ത​ലി​ൽ റോ​ബ​സ്റ്റ ബ്ലെ​ൻ​ഡു​ക​ൾ​ക്ക് രാ​ജ്യാ​ന്ത​ര ത​ല​ത്തി​ൽ ഡി​മാ​ന്‍റു​യ​രു​ന്ന​ത് കേ​ര​ള​ത്തി​നും ക​ർ​ണാ​ട​ക​ത്തി​നും കൃ​ഷി​യി​ൽ പു​തി​യ സാ​ധ്യ​ത​ക​ൾ​ക്ക് അ​വ​സ​രം ഒ​രു​ക്കും.

വി​വി​ധ പാ​നീ​യ​ങ്ങ​ളി​ൽ ക​ല​ർ​ത്താ​ൻ കോ​ഫി ബീ​ന് ഡി​മാ​ന്‍റു​യ​രു​ന്ന​ത് വി​ല​യി​രു​ത്തി​യാ​ൽ, കാ​പ്പിക്കൃ​ഷി ന​മ്മ​ൾ കൂ​ടു​ത​ൽ മേ​ഖ​ല​യി​ലേക്ക് വ്യാ​പി​പ്പി​ച്ചാ​ൽ വി​ജ​യി​പ്പി​ക്കാ​നാ​വും. ആ​ഗോ​ള കാ​പ്പി ക​യ​റ്റു​മ​തി ഒ​ക്ടോ​ബ​ർ -ജൂ​ലൈ കാ​ല​യ​ള​വി​ൽ 5.7 ശ​ത​മാ​നം ഇ​ടി​ഞ്ഞ് 103.736 മി​ല്യ​ണ്‍ ചാ​ക്കി​ൽ ഒ​തു​ങ്ങി. ക​ട്ട​പ്പ​ന​യി​ൽ റോ​ബ​സ്റ്റ കാ​പ്പിക്കു​രു 136 രൂ​പ​യി​ലും റോ​ബ​സ്റ്റ പ​രി​പ്പ് 240 രൂ​പ​യി​ലു​മാ​ണ്. വ​യ​നാ​ട്ടി​ൽ ഉ​ണ്ട​ക്കാ​പ്പി ക്വി​ൻ​റ്റ​ലി​ന് 7,300 രൂ​പ​യായും പ​രി​പ്പ് 23,800 രൂ​പ​യാ​യും ഉ​യ​ർ​ന്നു.

എണ്ണയിട്ടപോലെ നാ​ളി​കേര വി​ല

മാ​സാ​രം​ഭ ഡി​മാ​ന്‍റി​ൽ നാ​ളി​കേ​രോ​ത്പ​ന്ന വി​ല​യി​ൽ നേ​രി​യ മു​ന്നേ​റ്റം. ത​മി​ഴ്നാ​ട്ടി​ലെ വ്യ​വ​സാ​യി​ക​ൾ വി​ല ഉ​യ​ർ​ത്തി കൊ​പ്ര ശേ​ഖ​രി​ച്ച​തി​നൊ​പ്പം സ്റ്റോ​ക്കു​ള്ള എ​ണ്ണ കൂ​ടി​യ വി​ല​യ്ക്ക് കേ​ര​ള​ത്തി​ൽ വി​റ്റ​ഴി​ക്കാ​ൻ ഉ​ത്സാ​ഹി​ച്ചു. കൊ​ച്ചി മൊ​ത്തവി​പ​ണി​യി​ൽ എ​ണ്ണ 12,400ലേ​ക്ക് ചു​വ​ടു​വ​ച്ചു. ഉ​ത്സ​വദി​ന​ങ്ങ​ളി​ൽ സ്റ്റോ​ക്ക് പ​ര​മാ​വ​ധി വി​റ്റ​ഴി​ക്കാ​നു​ള്ള നീ​ക്ക​ത്തി​ലാ​ണ​വ​ർ. അ​തു​കൊ​ണ്ടുത​ന്നെ ന​മ്മു​ടെ ഉ​ത്​പാ​ദ​ക​രും പ​ച്ച​ത്തേ​ങ്ങ​യും കൊ​പ്ര​യും വി​പ​ണി​യി​ൽ ഇ​റ​ക്കി വി​ല​ക്ക​യ​റ്റം അ​വ​സ​ര​മാ​ക്കി മാ​റ്റു​ക.

കാ​ങ്ക​യ​ത്ത് കൊ​പ്ര വി​ല 7,975 രൂ​പ​യി​ലും കൊ​ച്ചി​യി​ൽ 8,100ലു​മാ​ണ്. ഭ​ക്ഷ്യ​യെ​ണ്ണ വി​പ​ണി​യി​ലെ സ്ഥി​തി​ഗ​തി​ക​ൾ അ​ത്ര ശു​ഭ​ക​ര​മി​ല്ലെ​ന്ന തി​രി​ച്ച​റി​വി​ൽ സ്റ്റോ​ക്കു​ള്ള വെ​ളി​ച്ചെ​ണ്ണ താ​ഴ്ന്ന വി​ല​യ്ക്ക് വി​റ്റു​മാ​റു​ന്നു​ണ്ട്. ബ​ഹു​രാ​ഷ്‌ട്ര ക​ന്പ​നി​ക​ൾ ലി​റ്റ​റി​ന് 118 രൂ​പ​യ്ക്ക് വാ​ഗ്ദാ​നം ചെ​യ്തും സൂ​പ്പ​ർ മാ​ർ​ക്ക​റ്റു​ക​ൾ വ​ഴി വി​ൽ​പ്പ​ന ന​ട​ത്തു​ക​യാ​ണ്.

ഏലം ലേലത്തിൽ വ്യാ​പാ​രി​ക​ൾ

ഏ​ല​ക്ക ലേ​ല​ത്തി​ൽ ഒ​റ്റ ദി​വ​സം ഒ​രു ല​ക്ഷം കി​ലോ ച​ര​ക്ക് വ​രെ വി​ൽ​പ്പ​ന​യ്ക്ക് ഇ​റ​ങ്ങി. ഒ​രു ത​വ​ണ​യ​ല്ല, ര​ണ്ട് ദി​വ​സ​ങ്ങ​ളി​ൽ വ​ര​വ് ക​ന​ത്ത​ത് ക​ണ്ട് വാ​ങ്ങ​ലു​കാ​ർ ചു​വ​ടു മാ​റ്റി. ഉ​ത്സ​വാവ​ശ്യ​ങ്ങ​ൾ മു​ന്നി​ൽക്ക​ണ്ട് ആ​ഭ്യ​ന്ത​ര വ്യാ​പാ​രി​ക​ൾ ച​ര​ക്ക് വാ​ങ്ങി​യെ​ങ്കി​ലും ശ​രാ​ശ​രി ഇ​ന​ങ്ങ​ളെ കി​ലോ 1,800ന് ​മു​ക​ളി​ൽ ക​ട​ത്തിവി​ടാ​തി​രി​ക്കാ​ൻ പ​ത്ത് ലേ​ല​ങ്ങ​ളി​ൽ അ​വ​ർ ശ്ര​മം ന​ട​ത്തി.

വാ​രാ​വ​സാ​നം ശ​രാ​ശ​രി ഇ​ന​ങ്ങ​ൾ​ക്ക് 1,700 രൂ​പ​യു​ടെ താ​ങ്ങ് ന​ഷ്ട​പ്പെ​ട്ട് 1,668 രൂ​പ​യാ​യി. അ​റ​ബ് രാ​ജ്യ​ങ്ങ​ളി​ലേക്കു​ള്ള ക​യ​റ്റു​മ​തി ല​ക്ഷ്യ​മാ​ക്കി ച​ര​ക്ക് സം​ഭ​ര​ണം പു​രോ​ഗ​മി​ക്കു​ന്നു. ന്യൂ ​ഇ​യ​ർ ആ​വ​ശ്യ​ത്തി​നു​ള്ള ഏ​ല​ക്കയ്ക്ക് യൂറോ​പ്പി​ൽനി​ന്ന് അ​ന്വേ​ഷ​ണ​ങ്ങ​ളു​ണ്ട്. ഇ​തി​നി​ടി​യി​ൽ വി​ജ​യ​ദ​ശ​മിയും ദീ​പാ​വ​ലിയും മു​ന്നി​ൽ ക​ണ്ട് ഉ​ത്ത​രേ​ന്ത്യ​കാ​രും ച​ര​ക്ക് വാ​ങ്ങി.

തിരിച്ചുവരവ് നടത്തി സ്വർണം

ആ​ഭ​ര​ണകേ​ന്ദ്ര​ങ്ങ​ളി​ൽ സ്വ​ർ​ണം പ​വ​ന് 42,680 രൂ​പ​യി​ൽനി​ന്നും 41,920 ലേ​ക്ക് ഇ​ടി​ഞ്ഞ ശേ​ഷം 42,520 ലാ​ണ്. അ​ന്താ​രാ​ഷ്‌ട്ര മാ​ർ​ക്ക​റ്റ് വി​ല 1,844 ഡോ​ള​റി​ൽനി​ന്നും 1,811ലേ​ക്ക് താ​ഴ്ന്ന​ങ്കി​ലും വാ​രാ​ന്ത്യ​ത്തി​ലെ ഷോ​ട്ട് ക​വ​റിംഗിൽ 1,832ലേ​ക്ക് തി​രി​ച്ചുവ​ര​വ് ന​ട​ത്തി.