മോസ്കോ: ബെലാറൂസിൽ അണ്വായുധം വിന്യസിക്കാനുള്ള പദ്ധതിയിൽനിന്ന് റഷ്യ പിന്നോട്ടില്ലെന്ന് ക്രെംലിൻ വക്താവ് ദിമിത്രി പെസ്കോവ് പറഞ്ഞു.
യുക്രെയ്നുമായും നാറ്റോ രാജ്യങ്ങളുമായും അതിർത്തിയുള്ള ബെലാറൂസിൽ അണ്വായുധം വിന്യസിക്കുമെന്നാണ് റഷ്യൻ പ്രസിഡന്റ് വ്ലാദിമിർ പുടിൻ കഴിഞ്ഞദിവസം അറിയിച്ചത്. യൂറോപ്യൻ യൂണിയനും നാറ്റോയും ഇതിനെതിരേ രംഗത്തുവരികയും റഷ്യക്കെതിരേ കൂടുതൽ ഉപരോധങ്ങൾ ചുമത്തണമെന്നാവശ്യപ്പെടുകയും ചെയ്തു. യുഎൻ രക്ഷാസമിതിയുടെ അടിയന്തരയോഗം വിളിച്ചുചേർക്കാൻ ശ്രമിക്കുമെന്ന് യുക്രെയ്നും പറഞ്ഞു.
എന്നാൽ, ഇത്തരം നടപടികൾ റഷ്യയെ പിന്തിരിപ്പിക്കില്ലെന്നാണ് ക്രെംലിൻ വക്താവ് പറഞ്ഞത്.
ബെലാറൂസിൽ അണ്വായുധം വിന്യസിക്കുന്നതിൽനിന്നു പിന്നോട്ടില്ല: റഷ്യ
11:34 PM Mar 27, 2023 | Deepika.com