വാഷിംഗ്ടൺ ഡിസി: അമേരിക്കയിലെ വാഷിംഗ്ടൺ ഡിസിയിലെ ഇന്ത്യൻ എംബസിക്കു മുന്നിൽ ഖലിസ്ഥാൻ അനുകൂലികൾ പ്രതിഷേധപ്രകടനം നടത്തി.
യുഎസിലെ ഇന്ത്യൻ അംബാസഡർതരൺജിത് സിംഗ് സന്ധുവിനെതിരേ ഭീഷണി മുഴക്കി എംബസിക്ക് അകത്തേക്കു കയറാൻ ശ്രമിച്ച ഖലിസ്ഥാൻവാദികളെ സുരക്ഷാസേന തടഞ്ഞു. ഈ സമയം സന്ധു എംബസിയിലുണ്ടായിരുന്നില്ല.
പ്രതിഷേധം റിപ്പോർട്ട് ചെയ്യുന്നതിനിടെ പിടിഐ വാർത്താ ഏജൻസിയുടെ യുഎസ് കറസ്പോണ്ടന്റ് ലളിത് കെ. ഝായെ ഖലിസ്ഥാൻ അനുകൂലികൾ ആക്രമിച്ചു. ഖലിസ്ഥാൻവാദികൾ തന്നെ കായികമായി ആക്രമിക്കുകയും അധിക്ഷേപിക്കുകയും ചെയ്തെന്ന് ലളിത് പറഞ്ഞു. ഇടതുചെവിക്കു താഴെയാണ് ഇദ്ദേഹത്തിനു മർദനമേറ്റത്.
യുഎസിൽ ഖലിസ്ഥാൻ വാദികളുടെ പ്രതിഷേധം
11:59 PM Mar 26, 2023 | Deepika.com