സ്റ്റോക്ഹോം: റഷ്യൻ ഭീഷണിയുടെ പശ്ചാത്തലത്തിൽ നോർഡിക് രാജ്യങ്ങളായ സ്വീഡൻ, നോർവേ, ഫിൻലൻഡ്, ഡെന്മാർക്ക് എന്നിവർ സംയുക്ത വ്യോമപ്രതിരോധം രൂപീകരിക്കുന്നു.
നാറ്റോയുടെ മാതൃകയിൽ നാലു രാജ്യങ്ങളിലെയും വ്യോമസേനകൾ സഹകരിച്ചു പ്രവർത്തിക്കാനുള്ള ധാരണാപത്രം ഒപ്പുവച്ചതായി ഡാനിഷ് വ്യോമസേനാവൃത്തങ്ങൾ അറിയിച്ചു. കഴിഞ്ഞയാഴ്ച ജർമനിയിലെ റാംസ്റ്റെയ്ൻ വ്യോമസേനാ താവളത്തിൽ നടന്ന ഒപ്പുവയ്ക്കൽ ചടങ്ങിൽ നാറ്റോ പ്രതിനിധികളും പങ്കെടുത്തു.
റഷ്യ യുക്രെയ്നിൽ അധിനിവേശം നടത്തുന്നതിന്റെ പശ്ചാത്തലത്തിലാണു നോർഡിക് രാജ്യങ്ങൾ ഈ ആശയത്തിലെത്തിയത്. നാലു രാജ്യങ്ങളുടെയും വ്യോമസേന ഒരുമിച്ചാൽ നാനൂറോളം യുദ്ധവിമാനങ്ങളുണ്ടാകും.
റഷ്യയെ നേരിടാൻ നോർഡിക് വ്യോമസേനകൾ ഒരുമിക്കുന്നു
01:25 AM Mar 26, 2023 | Deepika.com