മയാമി: മൈക്കലാഞ്ചലോയുടെ ഡേവിഡ് എന്ന ശില്പത്തിന്റെ ചിത്രം സ്കൂളിൽ കാണിച്ചതിന്റെ പേരിൽ പ്രിൻസിപ്പലിനു രാജിവയ്ക്കേണ്ടിവന്നു. അമേരിക്കയിലെ ഫ്ലോറിഡ സംസ്ഥാനത്ത് ടല്ലഹസി ക്ലാസിക്കൽ സ്കൂൾ പ്രിൻസിപ്പൽ ഹോപ് കരസാക്വില്ലയുടെ ജോലിയാണു പോയത്.
നവോത്ഥാനകാല കലാ ചരിത്രത്തിന്റെ ഭാഗമായിട്ടാണ് 11-12 വയസ് പ്രായമുള്ളവർ പഠിക്കുന്ന ആറാം ക്ലാസിൽ ഡേവിഡിന്റെ ചിത്രം പ്രദർശിപ്പിച്ചത്. പൂർണനഗ്നനായി ഗോലിയാത്തിനെ നേരിടാനൊരുങ്ങുന്ന ഡേവിഡിന്റെ ചിത്രം അശ്ലീലമാണെന്നാരോപിച്ച് ഒരു രക്ഷകർത്താവ് പരാതിപ്പെടുകയായിരുന്നു.
കഴിഞ്ഞവർഷവും ഡേവിഡിന്റെ ചിത്രം സ്കൂളിൽ കാണിച്ചിരുന്നു. എന്നാൽ ഇതിനു മുന്പായി രക്ഷകർത്താക്കൾക്ക് മുന്നറിയിപ്പു നല്കിയിരുന്നു. ഇക്കുറി അതുണ്ടാകാതിരുന്നത് വീഴ്ചയാണെന്ന് സ്കൂൾ അധികൃതർ പറഞ്ഞു.
ഡേവിഡ് ശില്പത്തിന്റെ ചിത്രം ക്ലാസിൽ; പ്രിൻസിപ്പലിന്റെ പണി പോയി
01:25 AM Mar 26, 2023 | Deepika.com