മോസ്കോ: റഷ്യൻ കേന്ദ്ര അന്വേഷണ ഏജൻസിയായ ഫെഡറൽ സെക്യൂരിറ്റി സർവീസിന്റെ (എഫ്എസ്ബി) യുക്രെയ്ൻ അതിർത്തിയോടു ചേർന്ന ആസ്ഥാനത്ത് തീപിടിത്തം. റോസ്തോവ് ഓൺ ഡോൺ നഗരത്തിലാണു സംഭവം. ഒരാൾ മരിച്ചിട്ടുണ്ട്. തീപിടിത്തത്തിനു മുന്പ് വൻ സ്ഫോടനം നടന്നതായും പറയുന്നു.
കിഴക്കൻ യുക്രെയ്നിലെ ഡോൺബാസ് മേഖലയോടു ചേർന്നാണ് ഈ നഗരം. എഫ്എസ്ബിയുടെ പട്രോൾ സ്റ്റേഷൻ പ്രവർത്തിച്ചിരുന്ന കെട്ടിടത്തിലാണു തീപിടിത്തമുണ്ടായതെന്നാണ് ആദ്യ റിപ്പോർട്ടുകളിൽ പറഞ്ഞത്. എന്നാൽ ഈ കെട്ടിടം സംഭരണാവശ്യങ്ങൾക്കാണ് ഉപയോഗിച്ചിരുന്നതെന്ന് പിന്നീടുള്ള റിപ്പോർട്ടുകളിൽ പറഞ്ഞു.
റഷ്യൻ സുരക്ഷാ ഏജൻസിയുടെ കെട്ടിടത്തിൽ തീപിടിത്തം
12:13 AM Mar 17, 2023 | Deepika.com