ബെയ്ജിംഗ്: 2003ലെ സാർസ് പകർച്ചവ്യാധി മറച്ചുവയ്ക്കാനുള്ള ചൈനീസ് അധികൃതരുടെ ശ്രമം വെളിച്ചത്തു കൊണ്ടുവന്ന മിലിട്ടറി സർജൻ ജിയാംഗ് യാൻയോംഗ് (91) അന്തരിച്ചു. ന്യൂമോണിയ ബാധിച്ച് ബെയ്ജിംഗിലെ ആശുപത്രിയിലായിരുന്നു അന്ത്യമെന്നു കുടുംബാംഗങ്ങൾ അറിയിച്ചു.
ലോകവ്യാപകമായി എണ്ണായിരത്തിനു മുകളിൽ പേർക്ക് സാർസ് പിടിപെട്ടുവെന്നും 774 പേർ മരിച്ചുവെന്നുമാണു ലോകാരോഗ്യ സംഘടനയുടെ കണക്ക്. പകർച്ചവ്യാധിയുടെ തുടക്കത്തിൽത്തന്നെ ഡോ. ജിയാംഗ് എഴുതിയ കത്താണ് ആയിരങ്ങളുടെ ജീവൻ രക്ഷിച്ചതെന്നു കരുതുന്നു.
നാമമാത്ര പേർക്കേ രോഗം ബാധിച്ചിട്ടുള്ളൂവെന്ന ചൈനീസ് ആരോഗ്യമന്ത്രിയുടെ പ്രസ്താവന തള്ളിക്കളഞ്ഞ അദ്ദേഹം ബെയ്ജിംഗിലെ പട്ടാള ആശുപത്രിയിലെ ഒരു വാർഡിൽ മാത്രം നൂറിലധികം രോഗികളുണ്ടെന്നു പറഞ്ഞു. ഇക്കാര്യം വിശദമാക്കി ചൈനീസ് മാധ്യങ്ങൾക്കു കത്തയച്ചുവെങ്കിലും അവർ പ്രസിദ്ധീകരിച്ചില്ല. എന്നാൽ കത്ത് ചോർന്നു കിട്ടിയ വിദേശമാധ്യങ്ങൾ പുറത്തുവിടുകയും ലോകാരോഗ്യ സംഘടന അടിയന്തരമായി ഇടപെടുകയും ചെയ്തു.
സാർസ് പകർച്ചവ്യാധിയെക്കുറിച്ച് മുന്നറിയിപ്പു നല്കിയ ചൈനീസ് ഡോക്ടർ അന്തരിച്ചു
12:27 AM Mar 16, 2023 | Deepika.com