കറാച്ചി: യാത്രികന്റെ മരണത്തെത്തുടർന്ന് ഡൽഹി-ദോഹ ഇൻഡിഗോ വിമാനം കറാച്ചിയിൽ അടിയന്തരമായി ഇറക്കി. ഞായറാഴ്ച രാത്രി 10:17 നു ദോഹയിലേക്കു സർവീസ് നടത്തി 6 ഇ-1736 വിമാനമാണ് അടിയന്തരലാൻഡിംഗ് നടത്തിയതെന്ന് പാക്കിസ്ഥാൻ വ്യോമയാന അധികൃതർ പറഞ്ഞു.
അസുഖബാധിതനായ നൈജീരിയ സ്വദേശി 60 കാരനായ അബ്ദുള്ള എന്നയാൾക്കു ചികിത്സ ലഭ്യമാക്കാനാണ് വിമാനം നിലത്തിറക്കിയത്. മെഡിക്കൽസംഘത്തെ കറാച്ചിയിൽ സജ്ജമാക്കുകയും ചെയ്തു. എന്നാൽ, വിമാനം ഇറങ്ങിയപ്പോഴേക്കും യാത്രക്കാരനു മരണം സംഭവിച്ചിരുന്നു.
യാത്രക്കാരന്റെ മരണം: ഇൻഡിഗോ വിമാനം കറാച്ചിയിൽ ഇറക്കി
01:29 AM Mar 14, 2023 | Deepika.com