കൊച്ചി: മോട്ട് ഫിനാന്‍ഷ്യല്‍ സര്‍വീസസ് പ്രൈവറ്റ് ലിമിറ്റഡ് എമേര്‍ജിംഗ് മോട്ട് ഫണ്ടെന്ന പേരില്‍ പുതിയ പിഎംഎസ് ഫണ്ടിന് തുടക്കമിട്ടു.
വിപണിയില്‍ ലഭ്യമായ പിഎംഎസ് പദ്ധതികളില്‍ നിന്നു വ്യ ത്യസ്തമായി താരതമ്യേന അധികം അറിയപ്പെടാത്തതും, അതേസമയം ഉന്നത വളര്‍ച്ച സ്ഥിരതയോടെ കൈവരിക്കാന്‍ ജന്മനാ പ്രാപ്തിയുള്ളതുമായ കമ്പനികളിലാവും എമേര്‍ജിംഗ് മോട്ട് ഫണ്ടിന്‍റെ നിക്ഷേപമെന്ന് മോട്ട് ഫിനാന്‍ഷ്യല്‍ സര്‍വീസസ് സ്ഥാപകനും മാനേജിംഗ് ഡയറക്ടറുമായ ബിജു ജോണ്‍ വാര്‍ത്താസമ്മേളനത്തില്‍ പറഞ്ഞു. അമ്പതു ലക്ഷം രൂപയാണ് ഏറ്റവും കുറഞ്ഞ നിക്ഷേപത്തുക.
സൂചികകള്‍ക്കപ്പുറുമുള്ള ബിസിനസുകളില്‍ നിക്ഷേപിക്കുകയാണ് ലക്ഷ്യമെന്ന് ചീഫ് ഓപ്പറേറ്റിംഗ് ഓഫീസര്‍ ഫസലും കോവിഡനന്തര ഇന്ത്യയുടെ വലിയ സാധ്യതകള്‍ മുന്നില്‍ക്കണ്ടാണ് ഇത്തരമൊരു സംരംഭത്തിനിറങ്ങിയതെന്ന് എക്‌സിക്യൂട്ടീവ് ഡയറക്ടര്‍ സൂരജ് നായരും വ്യക്തമാക്കി.
എമേര്‍ജിംഗ് പിഎംഎസ് ഫണ്ടിന് തുടക്കമിട്ട് മോട്ട് ഫിനാന്‍ഷ്യല്‍ സര്‍വീസസ്
12:59 AM Aug 19, 2022 | Deepika.com