കൊച്ചി: ഗോ ഫസ്റ്റ് (മുന് ഗോ എയര്) 28 മുതല് കൊച്ചിയില്നിന്നു അബുദാബിയിലേക്ക് ആഴ്ചയില് മൂന്നു ദിവസം നേരിട്ട് ഫ്ളൈറ്റ് സര്വീസ് നടത്തും.
ചൊവ്വ, വെള്ളി, ഞായര് ദിവസങ്ങളിലാണ് സര്വീസ്. സര്വീസിനു തുടക്കം കുറിച്ചുള്ള ആദ്യ ഫ്ളൈറ്റ് കൊച്ചി അന്താരാഷ്ട്ര വിമാനത്താവളത്തില്നിന്ന് 28ന് രാത്രി 8:05ന് പുറപ്പെട്ട് 10:40 ന് (പ്രാദേശിക സമയം) അബുദാബി വിമാനത്താവളത്തിലെത്തും. റിട്ടേണ് ഫ്ളൈറ്റ് അബുദാബിയില് നിന്ന് രാത്രി 11:40ന് പുറപ്പെട്ട് പുലര്ച്ചെ 5:10ന് കൊച്ചിയിലെത്തും.
കൊച്ചിക്കും അബുദാബിക്കും ഇടയില് ആഴ്ചയില് മൂന്ന് സര്വീസുകളുണ്ടാകും. 15,793 രൂപയുടെ റിട്ടേണ് നിരക്കില് ബുക്കിംഗ് ആരംഭിച്ചു. www.FlyGoFirst.com ല് ലോഗിന് ചെയ്തും മൊബൈല് ആപ്പ് ഉപയോഗിച്ചും യാത്രക്കാര്ക്ക് ബുക്ക് ചെയ്യാം.
ഗോ ഫസ്റ്റിന് കൊച്ചിയില് നിന്ന് അബുദാബിയിലേക്കു നേരിട്ട് ഫ്ളൈറ്റ്
11:47 PM Jun 24, 2022 | Deepika.com