ദുബായ്: മെഡിക്കല് ടൂറിസത്തിന്റെ അനന്തമായ സാധ്യതകള് കൃത്യമായ ആസൂത്രണത്തോടെ രാജ്യം പ്രയോജനപ്പെടുത്തണമെന്ന് ആസ്റ്റര് ഡിഎം ഹെല്ത്ത് കെയര് ചെയര്മാന് ഡോ. ആസാദ് മൂപ്പന്. ദുബായ് എക്സ്പോ 2020 ന്റെ ഇന്ത്യ പവലിയനില് സംഘടിപ്പിച്ച ടൂറിസം മന്ത്രാലയത്തിന്റെ ഹീല് ഇന്ത്യയുടെ ഉദ്ഘാടനച്ചടങ്ങില് സംസാരിക്കുകയായിരുന്നു അദ്ദേഹം.
രാജ്യത്തെ ഡോക്ടര്മാരുടെ ചികിത്സാ വൈദഗ്ധ്യത്തില് ആകൃഷ്ടരായാണ് വിദേശത്തുനിന്നുള്ള രോഗികളില് ഭൂരിഭാഗവും ഇന്ത്യയിലേത്തുന്നത്. അതുകൊണ്ടുതന്നെ അവര്ക്ക് ഉന്നതനിലവാരമുള്ള ചികിത്സയാണ് ലഭിക്കുന്നതെന്ന് ഉറപ്പുവരുത്തേണ്ടതുണ്ട്. എബിഎച്ച്, ജെസിഐ മുതലായ ഉന്നതനിലവാരം ഉറപ്പുവരുത്തുന്ന അംഗീകാരങ്ങള് ലഭിച്ച ആശുപത്രികളില് മാത്രമേ വിദേശത്തുനിന്ന് ചികിത്സയ്ക്കായി എത്തുന്നവരെ പ്രവേശിപ്പിക്കാവൂ എന്നു തീരുമാനിച്ചാല് ഈ ലക്ഷ്യം അനായാസേന കൈവരിക്കാന് സാധിക്കുമെന്നും ആസാദ് മൂപ്പൻ പറഞ്ഞു.
മെഡിക്കല് ടൂറിസത്തിന്റെ സാധ്യതകൾ പ്രയോജനപ്പെടുത്തണം: ഡോ. ആസാദ് മൂപ്പന്
01:56 AM Jan 09, 2022 | Deepika.com