കൊച്ചി: ടാറ്റ മോട്ടോഴ്‌സ് വാണിജ്യ വാഹനശ്രേണിക്ക് വില വർധിപ്പിക്കുന്നു. അടിസ്ഥാന മോഡലുകള്‍ക്കും വേരിയന്‍റുകള്‍ക്കും രണ്ട് ശതമാനം വില വര്‍ധനയാണ് ഒക്ടോബര്‍ ഒന്നുമുതല്‍ പ്രാബല്യത്തില്‍ വരിക. സ്റ്റീല്‍, വിലപിടിപ്പുള്ള ലോഹങ്ങള്‍ തുടങ്ങിയ സാമഗ്രികളുടെ വിലയിലുണ്ടായ വര്‍ധനയെ തുടര്‍ന്നാണ് വില കൂട്ടാൻ കമ്പനി നിര്‍ബന്ധിതമായത്.
നിര്‍മാണ വേളയില്‍ വില വര്‍ധനയുടെ ഒരു ഭാഗം സ്വന്തമായി വഹിച്ചുകൊണ്ട് വില വര്‍ധന കുറച്ചുനിര്‍ത്താന്‍ കമ്പനി ശ്രമിച്ചിട്ടുണ്ട്. ഉപഭോക്താക്കള്‍ക്കും ഫ്‌ളീറ്റ് ഉടമകള്‍ക്കും ഏറ്റവും കുറഞ്ഞ ചെലവില്‍ ഉടമസ്ഥതാവകാശം ലഭ്യമാക്കാന്‍ ടാറ്റ മോട്ടോഴ്‌സ് ശ്രമം തുടരുമെന്നും അധികൃതര്‍ അറിയിച്ചു.
വാണിജ്യ വാഹനങ്ങള്‍ക്ക് ടാറ്റ വില വര്‍ധിപ്പിക്കുന്നു
10:28 PM Sep 27, 2021 | Deepika.com