ബെയ്ജിംഗ്: ചൈനീസ് സ്പേസ് സ്റ്റേഷൻ ടിയാൻഗോഗിലെ സഞ്ചാരികൾ ബഹിരാകാശത്തു നടന്നു. ചൈനയുടെ ചരിത്രത്തിൽ രണ്ടാം തവണയാണു സഞ്ചാരികൾ ബഹിരാകാശത്തു നടക്കുന്നത്.
2008ൽ ഷെൻഷൗ 7 ദൗത്യത്തിലെ ബഹിരാകാശ സഞ്ചാരികൾ ചരിത്ര നേട്ടം കൈവരിച്ചിരുന്നു. ടിയാൻഗോഗ് സ്പേസ് സ്റ്റേഷനിൽ ജൂണിലാണ് നീ ഹയ്ഷെംഗ്, ലിയു ബോമിംഗ്, താങ് ഹോങ്ബോ എന്നീ സഞ്ചാരികളെത്തിയത്. ലിയുവും താങും സ്പേസ് സ്റ്റേഷനിലെ പ്രധാന മൊഡ്യൂളായ ടിയാൻഹെയിൽനിന്നു പുറത്തിറങ്ങി ഏഴു മണിക്കൂറോളം ബഹിരാകാശത്ത് ചെലവഴിച്ചു. റോബോട്ടിക്ക് കൈ ഉപയോഗിച്ച് സ്പേസ് സ്റ്റേഷന്റെ അറ്റകുറ്റപ്പണി നടത്തുകയായിരുന്നു ലക്ഷ്യം.
ചൈനീസ് സഞ്ചാരികൾ ബഹിരാകാശത്തു നടന്നു
12:46 AM Jul 05, 2021 | Deepika.com